DOBRE IDENTIDADE NA LITERATURA!

Con motivo do Día Internacional dos Escritores, na entrada do centro puidemos ver unha pequena exposición que nos convidaba a descubrir unha curiosidade do mundo literario: os pseudónimos.

No panel recollíanse algúns casos moi coñecidos de autores e autoras que publicaron obras baixo outro nome distinto ao seu, creando así unha auténtica “dobre identidade” literaria. Entre eles atopamos exemplos tan populares como Stephen King, que tamén escribiu como Richard Bachman; J. K. Rowling, que publicou novelas policiais como Robert Galbraith; ou Agatha Christie, quen asinou algunhas obras románticas como Mary Westmacott.

Esta pequena mostra serviu para espertar a curiosidade do alumnado e para lembrar que a literatura está chea de historias… non só dentro dos libros, senón tamén detrás das súas portadas.

 

Completamos esta expo cunha presentación coa mesma temática á que lle adicamos na nosa Hora de Ler. Quédavos por aquí para que descubrades aínda máis identidades secretas...