Medra o PEDA-LEO

 Polos recunchos do instituto foron aparcando bicis de todo tipo, e nos seus ventres, nos seus cestos, pendurados dos seus manillares, levan libros, libros e máis libros. 

Nalgún deses libros descubrimos que A Limia é terra de bicicletas dende que esta apareceu, fotografías de xente pedaleando, de centos de bicicletas amoreadas agardando "consulta" no obradoiro de reparación, ou de nenos e nenas de hai moitos anos disfrutando do agasallo dos Reis Magos. 

Agardamos polas vosas fotografías en bici e tamén polos vosos relatos. Medra o PEDA-LEO!

PedaLEO

 

O día do libro botou a rodar este proxecto que pretende combinar o coidado do corpo e da mente, o coidado do medio, e a animación á lectura. 

O eixo conector de todo isto é a BICICLETA  como medio de transporte limpo, alternativo aos transportes que utilizan combustibles contaminantes e moi arraigado na comarca da Limia. 

Estase a encher a nosa biblioteca de  bicicletas cargadas de libros, bicicletas saúdables e motivadoras para disfrutar de dúas actividades que poden ser a imaxe do lema universal MENS SANA IN CORPORE SANO.

Organizado pola biblioteca mais o club de letras, coa colaboración da comunidade educativa.

Amor ós libros

 

Día do libro no ano da Covid 19

Un día especial nun momento especial.

Achegamos o precioso díptico elaborado pola Consellería de Educación. Contén un texto de Manuel Gago e unha foto de Harold Iglesias, cun chasco, paxariño común na nosa contorna.

Ler fainos únicos.

Cada vez que abrimos un libro, cada un de nós atópase co resto da humanidade, coas persoas do noso tempo e con aqueloutras que viviron hai centos de anos. Todos, os que están e os que xa non están, atopámonos para sempre entre as palabras. E ninguén le o mesmo libro, porque os libros fálannos distinto a cada un de nós.
Cada libro que lemos queda gardado no noso peito como semente, paxaro ou xabarín. E sempre, ás veces moitos anos despois, remata por saír, levando algo de nós.

Manuel Gago

Ademais:

Andrea Maceiras, Premio Clubes de lectura 2020.

E unha cousa preciosa para ir rematando:

Animádesvos a facer as vosas recomendacións no medio do confinamento?
Enviádeas ao correo da biblioteca.

Día do libro

O luns 23 de abril, o alumnado de 1º de Bacharelato agasallounos cunha degustación de saborosos dóces elaborados a partires de receitas do Quijote. Que delicia!!!

Ademais a biblioteca organizou dous concursos nos que aínda podedes participar: Marcapáxinas e Á procura da obra literaria.

Tamén nos achegamos un pouquiño máis á literatura en lingua inglesa grazas aos murais que decoraban os corredores.

Que aproveite, lectoras e lectores!!!!!

Día do libro. Eduardo Mendoza

               Entre tantos movementos pillounos o día do libro coa casa a medio barrer.
Empezamos esta semana coas actividades programadas para este evento. Por exemplo: empezan a chegar os carteis que fixo o alumnado con frases alusivas ó pracer de ler.

E recordamos a obra de Eduardo Mendoza, con motivo da entrega do premio Cervantes. 

Libros singulares

O día 23 de abril, día do libro, presentouse na biblioteca do IES Cidade de Antioquía unha maravillosa exposición de libros que, por algún motivo, son especiais.
Profesorado e alumnado aportaron moito máis do que a priori sospeitabamos; María tivo que poñer a traballar os miolos para que todo libro singular tivese o seu espazo singular en BIBLIOANTIOQUÍA. 
Temos libros antigos -ata do S. XVII-, libros de autoencuadernación, libros diminutos, libros enormes, libros únicos, libros en linguas variadas, libros de/para gatos, libros en Braille...
O resultado á vista queda. As fotos non fan xustiza á realidade.








Aproveitamos para poñer un enigma para os visitantes máis espilidos:

CAL É O LIBRO DO QUE HAI MÁIS EXEMPLARES NA EXPOSICIÓN?