Vós sodes as protagonistas

Camiños para a igualdade

 Lola cóntanos a súa experiencia no fútbol, "Unha chica nun equipo de chicos. Eu cambiaría..."

 E Eva fálanos da presenza das mulleres no seu traballo, nun campo -a automoción-, no que a presenza feminina non era moi habitual. 

Moitas reflexións contra a discriminación resumidas nas frases finais de Eva: a mellor vacina contra a desigualdade, a violencia e a ignorancia é a educación. 

Mentes abertas contra os prexuizos!

Certame de relato breve "Todos os dereitos. Todas as mulleres. Todos os días

Convocado polo Concello de Xinzo de Limia

 I CERTAME DE RELATO BREVE“TODOS OS DEREITOS. TODAS AS MULLERES. TODOS OS DÍAS”

 En conmemoración do 8 de marzo, Día Internacional da Muller. Organizado pola Concellaría de Igualdade do Concello de Xinzo de Limia. 

• Participantes O certame diríxese a todas as persoas que desexen participar, con independencia da súa idade, do seu sexo, da súa nacionalidade ou do seu lugar de residencia. 
• Temática Todas as obras presentadas versarán sobre o feminismo e a súa historia, o valor da igualdade e da non discriminación por razón de sexo, a axenda pendente das mulleres, as mulleres no mundo e as mulleres que fixeron e fan historia. Non se admitirán contidos que inclúan linguaxe malsoante, alusións a terceiras persoas, mensaxes discriminatorias ou que puideran ser considerados apoloxía do odio.
•  Condicións: 
• Os traballos deberán ser inéditos, en galego, e non presentados, co mesmo ou con outro título, a ningún outro certame pendente de resolución. 
• O estilo será narrativa, tipo relato curto, cunha extensión que non poderá superar as dúas páxinas en letra Arial de 12 puntos con interliñado normal. 
• O relato deberá estar escrito con linguaxe non sexista. 
• O relato non poderá levar sinatura....

Máis info, na Biblioteca do centro ou no Concello

E chegou Rosalía

Aínda estabamos repartindo vacinas contra o mal de amores, e chegou Rosalía, e instalouse ás nosas portas, ofrecendo pílulas poéticas sen data de caducidade!

E tras ela, chegarán mulleres poetas, medio agochadas por causa do seu xénero, que faremos visibles en corpo e obra.

 

AS PROTAGONISTAS SODES VÓS

 

BIBLIOANTIOQUIA CONTRA A VIOLENCIA

 Vanse enchendo os nosos espazos de achegas en linguas diversas, con sentires diversos, con perspectivas diversas. Todas cunha meta común: construír unha parede na que topen as actitudes violentas.

Día mundial diante da violencia contra a muller

 

25 DE NOVEMBRO

Día internacional da eliminación da violencia contra a muller

É posible que só oíras falar da República Dominicana como lugar de vacacións, que non coñezas ás irmás Mirabal e que non saibas que opoñerse á dictadura de Rafael Leónidas Trujillo no seu país fixo que acabaran os seus días nun coche no fondo dun precipicio.

Por desgracia, miles de mulleres a día de hoxe seguen asomadas a outro precipicio igual de inquietante. Por eso, no IES Cidade de Antioquía, cada 25 de Novembro damos un paso adiante e conmemoramos o Día internacional da eliminación da violencia contra a muller para rendir o noso propio tributo a todas esas mulleres que perderon a vida e solidarizarnos con todas aquelas que sofren pola lacra do maltrato. Por eso, invitámoste a participar no concurso “Carta aberta fronte a violencia contra a muller ”.

A finalidade é que escribas unha carta a un maltratador, a esa vítima que cala, á que se rebela,, á familia que a sofre, á testemuña que pecha os ollos e segue o seu camiño... Ti elixe un destinatario e faite oír, nós seremos o teu altofalante.

BASES:
Presentar en folio blanco ou de cor, pero folio!
Extensión mínima: 25 – 30 liñas a ordenador ou a man, sempre que letra sexa lexible. Idioma: castelán ou galego.

Categorías I: 1o ESO – 2o ESO.
Categoría II: 3o ESO – 4o ESO – FPB.
Categoría III: BACHARELATO E FORMACIÓN PROFESIONAL.

Data límite para participar: 23 de Novembro de 2020.
Entregar na biblioteca ou á persoa responsable da titoría do teu grupo.

Muller e ciencia. Sophie Germain

O alumnado de 1º de Bacharelato coa axuda da súa profesora de matemáticas Celsa e co apoio da nosa biblioteca, preparou este fermoso proxecto para dar a coñecer o traballo dunha muller, Sophie Germain, que tivo que agochar a súa identidade feminima para poder dialogar en igualdade de condicións con matemáticos que pasaron á historia como Gauss.

25 de novembro. Día internacional para a eliminación da violencia contra a muller

Levamos tempo teimando por facer do noso centro e da nosa biblioteca un punto de loita contra esta tara da nosa sociedade.

Este ano, como participantes no club de letras da Consellería de Educación, aínda imos ter máis traballo que facer, empezando nun día tan sinalado coma este.

Hoxe teremos unha actividade centrada nun dos logros que máis lle custou conseguir ás mulleres, e non só no noso país: o dereito ó voto.
Coñeceremos por boca de Celia Pereira Porto, doutora en dereito e avogada laboralista, editora do libro O meu pecado mortal. O voto feminino e máis eu de Clara Campoamor, como foi ese proceso en España.
Ademais, o alumnado que traballou sobre o tema nas aulas, participará coas súas opinións ou valoracións!
Prometemos imaxes!

PREPARANDO O 8 DE MARZO

Mañá celebraremos o día da muller baixo o lema "Se nós paramos, para o mundo".
María Rosa e Douaa pasaron pola nosa biblioteca para preparar a mesa redonda que será o acto central no noso centro.
Mentres reflexionaban en voz alta sobre as súas intervencións de mañá, saíron á luz as súas experiencias como receptoras de micro e macro machismos: "así me gusta, que varras, como muller que es", "moitas mulleres non traballan para coidar as crianzas. Despois se queren separarse, non teñen traballo, seguen dependendo do home que é o que traballa".....

Mentres tanto, outro grupo acaba de colgar os carteis que farán que todo o centro se entere de que está a pasar.

CONTRA A VIOLENCIA DE XÉNERO

No IES Cidade de Antioquía estase a cociñar un feixe de actividades para traballar en contra desta eiva da nosa sociedade. Irémolas publicando segundo vaian saíndo!
Para ir empezando, o departamento de orientación, incluiu na páxina deste blog CONVIVECIDADE algunha das súas propostas.

Accedede a elas na pestana superior CONVIVECIDADE

8 de marzo. Día das mulleres

A nosa biblioteca enfeitouse para ocasión: paneis informativos, imaxes de mulleres científicas, escritoras ou políticas, a cor lila por todas partes...

Chegou o día e saímos ó patio amosarnos negras como a pena por tanta muller morta pola violencia machista. Os homes tamén están do noso lado.

Ademais, o alumnado de matemáticas coa súa profesora Eva, sorprendeunos cunha expo-actividade sobre a matemática Sophie Germain

Mirade que traballos máis que chulos:

Recordamos tamén que neste mesmo blog, se picades na etiqueta mulleres, podedes ver que temos xa unha boa traxectoria celebrando este día. Hai moita info que segue sendo boa para recordarnos a situación da muller a través da historia.

Parabéns a todas e todos por participar e facer visibles as mulleres!

Dia Internacional da Muller e da Nena na ciencia

O sábado, 11 de febreiro, celebrouse o Día Internacional da Muller e a Nena na Ciencia na procura de “lograr o acceso e a participación plena e equitativa na ciencia para as mulleres e as nenas". 

Deixamos aquí material para que pescudedes sobre a vida de mulleres que loitaron por traballar en distintos campos da ciencia e da investigación. Foron abrindo o camiño para que hoxe en día, polo menos teoricamente, non haxa barreiras que nos impidan ser o que queiramos:

• Documental sobre a vida das irmáns De la Vega, primeiras licenciadas en Galicia

• Mulleres matemáticas:

• Mulleres científicas galegas

• Blog do CEIP As Revoltas.

Rosalía de Castro no Cidade de Antioquía

O 24 defebreiro o celebramos o día de Rosalía, lemos poemas seus en todos os idiomas que estaban á nosa disposición, escoitamos música e vimos videos.
Deixamos nun taboleiro algunhas das aportacións de alumnos e profes.

Pillada por ti

Queres ler este cómic? Pincha aquí!

Elena Poniatowska, la polaquita preguntona

Preciosa entrevista á gañadora do Premio Cervantes 2013, unha das nosas Mulleres de actualidade.

Á PROCURA DO TESOURO

Emilie de Chatelete   

Rosalía de Castro- Maruja Mallo- Hipatia 

Día 8 de marzo. Día da muller I

Presentamos algúns videos e documentos que nos recordan MULLERES que loitaron nun contexto adverso por estar presentes na historia, na ciencia, na literatura, na política, nas artes, na historia....NA VIDA.