Novas quentiñas

Seguimos a incorporar novos libros ós nosos fondos. Seguro que algún é do teu gusto.

A por eles!

E xa estamos a preparar o Samaín: concurso de relatos, selección de libros de MEDO e, SORPRESAS terroríficas en BIBLIOANTIOQUÍA!

Literatura latinoamericana no Cidade de Antioquía

A escritora e crítica literaria boliviana, agora residente en Allariz, Lourdes Reinaga, visitou hoxe a nosa biblioteca e ofreceunos unha panorámica das escritoras e escritores latinoamericanas, con especial atención á narrativa en Bolivia.

Ó rematar esta exposición, reflexionou co alumnado sobre as motivacións da escritura, co exemplo da súa experiencia personal.
Pouco a pouco os rapaces e rapazas presentes fóronse animando a indagar na súa vida como escritora: Como te fixeches escritora? Escribiches algunha vez poesía? Por que descartaches eses poemas que escribiches? Cal é o teu autor ou autora favorita?
Finalmente, explicou en que consiste o proxecto de Yolanda Castaño no que ela participa

Yolanda Castaño abre unha residencia literaria «para o sosego e o estímulo da creación»

A escritora quere aproveitar a súa experiencia como bolseira en distintos proxectos extranxeiros para impulsar unha iniciativa que poña a Galicia no mapa internacional (La Voz de Galicia, 22/02/2019)

CHEGA O SAMAÍN!!!

Chegaron as choivas, o outono, as castañas... E no IES Cidade xa nos estamos preparando para o Samaín. A biblioteca será un lugar terrorífico no que pasarás momentos de auténtico terror!!!!
Para abrir boca, xa está convocado o mítico concurso de microrrelatos de terror. Propoñemos que o fagades en calquera lingua e que os ilustredes para que dean moito moito medo!!! Haberá premios para a diferentes modalidades. Mil grazas a todos os Departamentos de linguas que estades colaborando nesta iniciativa.

Todo o mundo a participar!!!!!

Agardando dous premios Nobel de literatura

O próximo xoves, 10 de outubro saberemos os nomes das persoas gañadoras do Nobel de 2018 e 2019.
Entre as favoritas, tres mulleres: Anne Carson, Maryse Condé e Can Xue.
Velaí algunhas das súas obras

Sen tradución en linguas ibéricas

Será algunha delas premiada?

CURSO NOVO... LECTURAS NOVAS!!!!

Se nos visitas, verás que o andel de novidades está ben completiño!!!  Fíxate ben en que A Terra de Anna e Esto lo cambia todo son dúas obras centradas no tema da emerxencia climática. Tamén temos poesía, Feliz Idade, e novelas que apelan ás emocións como Wolfgang (para segundo ciclo de ESO) ou Mala herba (para Bacharelato). Pero non falta a filosofía como La Filosofía explicada a mi hija, nin a Ciencia como Historia do ADN ou O Universo matemático.
TODAS AGARDAN POR TI EN BIBLIOANTIOQUÍA!!