FINAL DO CALENDARIO DE ADVENTO

 E chegamos á última pregunta...

Depositadas as follas de participación no buzón de Nadal, procedemos á revisión de respostas e ao sorteo dos premios entre os máximos acertantes.

Velaquí os nosos gañadores...

                          

E AS AULAS TAMÉN SE ENCHERON DE NADAL...

 

Non faltaron árbores, luces, reciclaxe decorativo, creatividade, amigos invisibles e, por suposto, como bos limiaos e limiás, houbo ata disfraces.

 

EXPOSICIÓN DO CONCURSO DE POSTAIS DE NADAL E PAISAXES DE INVERNO

Este ano fixéronse esperar, pero aquí están.

Parabéns para a Xiana e Aroa, alumnas de 1ª ESO, gañadoras deste certame. 

UNHA FELICITACIÓN DIFERENTE

 O Departamento de Física e Química felicítanos o Nadal dunha forma diferente e en varios idiomas.

Bo Nadal para toda a comunidade educativa e especialmente para o alumnado de Mar que fixo posible este mural. 

GRAZAS!

Grazas a toda a comunidade educativa pola vosa implicación coa II Feira solidaria do libro de segunda man. O ano pasado, a doazón á Cruz Vermella foi de case 200 euros, pero este ano supámonsos: 

290 euros!

Transmitimos dende a BiblioCidade a ledicia e gratitude do Banco de Alimentos de Ourense, que xa confirmou a recepción do ingreso. Aínda que nos deron a total liberdade de facer unha transferencia ou unha compra, decidímonos pola primeira opción porque, nestas datas, hai moitas doazóns de productos aos que lles deben dar saída obrigatoriamente. Porén, hai meses nos que a solidaridade descende e escasean as existencias, así que nós contribuiremos a que, cando falte algo no almacén, podan adquirilo.

E preparádevos, porque haberá III Feira solidaria do libro de segunda man. Xa estamos traballando para ela.

O NADAL CHEGA Á BIBLIOCIDADE

 O sorteo da Lotería, turrón, familia, vacacións,... O Nadal chega tamén á nosa biblioteca.

    

Este ano temos un invitado moi especial... Recoñécelo?

CONCURSOS DE NADAL

 

UN NOVO CONCURSO PARA DECEMBRO

Seguro que, nalgún momento, vencellados aos decembros da túa infancia, coñeciches eses almanaques que ocultan doces, chocolates... nas lapelas de cada día do mes. Son os calendarios de Advento. Este decembro invitámoste a completar o teu propio almanaque de Advento respondendo a unha pregunta cada día.

Recolle a túa folla de participación e presta atención á pizarra blanca que está na entrada da BiblioCidade. 

 

Anímate a demostrar que es ti quen máis sabe do Nadal!

NOVEMBRO DE CIENCIA. HOMENAXE AS CIENCIAS

 

POR QUE UNHA FEIRA SOLIDARIA DO LIBRO DE SEGUNDA MAN?

O ano pasado puxemos en marcha unha iniciativa solidaria que pretendemos que dure moitos cursos. Trátase da  Feira solidaria do Libro de segunda man. O curso pasado adicamos a recaudación aos nenos e nenas refuxiados de Ucraína (vía Cruz Vermella) e o presente curso decidimos que sexa o Banco de Alimentos de Ourense o que reciba a nosa aportación.

A actividade arranca hoxe e rematará o 9 de decembro. Xa sabedes que nos centramos na venta de libros aos membros da comunidade educativa a 1 e 2 euros. Os mencionados libros proceden de doazóns por parte do profesorado e alumnado do centro; ademais, contamos coa colaboración especial do Departamento de Inglés, que fixo varias compras de libros de segunda man que vendemos por debaixo do seu prezo, pois a fin non é lucrarse, senón aprender valores que nos aproximen ao coñecemento dos ODS que promove a Axenda 2030. Estes libros de segunda man que se compran proceden dunha ONG tamén solidaria, libros.madrecoraje.org, de modo que o noso proxecto solidario é dobre. 

A maiores esta vez, teremos días temáticos: o día das triloxías, o día da cita a cegas cos libros, o día dos complementos,...

E por que facemos todo esto? Por un sinxelo motivo: porque somos privilexiados e sería unha mágoa que dende a nosa posición non fixeramos nada. As veces doamos libros, outras doamos e compramos, outras só compramos; a forma de participar neste evento é o de menos, o importante é ser parte dun movemento solidario escolar que, sobre todo, educa en valores.

Pasade e botade unha ollada ao noso compromiso cos demais e co futuro. Estamos na porta de biblioteca. 

UN AGASALLO VIOLETA

 A BiblioCidade celebrou este 25 de Novembro agasallando ao alumnado con bandas violetas, unha forma de mostrar cos nosos pulsos que no IES Cidade de Antioquía estamos no camiño. Voaron!

Moitas grazas, Celsa, pola túa colaboración para facer chegar o agasallo!

20 MINUTOS COS CLÁSICOS

 Para non interferir nas actividades organizadas no recreo para este 25 de novembro, Óscar Soto decidiu adiar a próxima cita cos clásicos ao próximo venres, 2 de decembro.

NO CAMIÑO VIOLETA

 

II FEIRA SOLIDARIA DO LIBRO DE SEGUNDA MAN

 

22 DE NOVEMBRO - SANTA ICÍA

 Esta semana celebramos o día da música. Nun centro tan musical coma o noso non podía faltar un concurso. 

A que esperas para xogar coas melodías e as letras?

25 DE NOVEMBRO NO IES CIDADE DE ANTIOQUÍA

 Iniciamos a semana para a eliminación da violencia contra as mulleres. 

Coma cada ano, Susana Moure, profesora de Xeografía e Historia, e o seu alumnado renden homenaxe a todas esas mulleres que neste 2022 perderon a vida pola violencia de xénero. 

Ademais, deseñaron unha chea de carteis nos que reivindican o papel da muller na sociedade, a súa liberdade, os seus dereitos e a educación como medio para acadar a igualdade.

Este venres, na BiblioCidade, regalamos pulseras violeta e convidámosvos un curso máis a vestir unha prenda desta cor. 

Non esquezades que algunhas das profesoras do centro teñen preparada unha actividade especial o mesmo venres ás 10:50. 

Desta vez, deixaremos o corazón e quedaranos pegada.

TRABALLAMOS POLA TOLERANCIA

Cando chega o mes de novembro e organizamos actividades dende a biblioteca, a primeira data para a educación en valores que salta á vista é o 25 de novembro, Día Internacional para a eliminación da violencia contra as mulleres. Porén, este ano, Ana Belén Figueira , profe de Inglés e membro do equipo da biblioteca, propuxo incluír no almanaque de dinamización o 16 de novembro, Día internacional da Tolerancia. O seu obxectivo era concienciar ao noso alumnado de que a diversidade é unha realidade na nosa sociedade, pero tamén no noso centro, e debemos aprender a convivir cos demais respectando sempre a súa forma de vivir, de pensar, de sentir. 

Por eso, o alumnado de 1º ESO, 2º ESO e FPB asistiu este mércores, 16 de novembro, a unha charla sobre a identidade de xénero e a diversidade afectivo sexual na que se lles deron a coñecer conceptos coma transxénero, xénero fluído, non binario,...; puideron aprender a diferencia entre xénero e sexo, que os estereotipos só son eso, estereotipos, e que a vida vai moito máis aló de nacer home ou muller.

Mil grazas, Ana Belén! Polo esforzo, polo traballo realizado, por compartir con nós tantas cousas que nos fan medrar.

BIBLIOTECA MULTICOR

Decoramos a entrada da biblioteca con motivos multicores en apoio á tolerancia ante as diversas eleccións afectivo-sexuais.

Dende agora contarás na biblio cun marabilloso buzón no que recopilaremos experiencias nas que a tolerancia sexa a protagonista. Coñeces a alguén que non se atreve a manifestarse tal cal é por medo? Que lle dirías? O comportamento dalgún coñecido espertou a túa admiración pola súa seguridade ao mostrarse diferente? 

Comparte con nós as túas vivencias!

QUE NON NOS FALTE ESTA DATA

Albert Einstein afirmaba que era máis sinxelo desintegrar un átomo ca un prexuicio, e case 70 anos despois do seu pasamento, a súa reflexión segue a estar cargada de verdade. 

Primeiro Mundo. 2022. Democracia. Liberdade. Dereitos humanos garantidos. Cantos logros acadados e  cantos camiños iniciados cara unha sociedade mellor... Pero aínda así temos que escoitar afirmacións que só acoubillan odio e prexuicios. 

Dende aquí o noso gran de area para seguir avanzando na tolerancia, porque é preciso que o noso alumnado saiba que, como dicía o Dalai Lama, "Cando entendas que hai outra forma de ver as cousas, entenderás o significado da palabra tolerancia".

E ti? Es tolerante? 

NOVA CITA CLÁSICA

 Xa rodan polo centro os novos carteis que nos aproximan a outro clásico.

Non esquezas a túa cita mensual cos clásicos na BiblioCidade!

O CAMIÑO PARA VESTIR A BIBLIOTECA DE TOLERANCIA

E AS GAÑADORAS SON...

 Aquí tedes ás gañadoras dos concursos de ilustración e de fotografía deste curso. 

Parabéns, rapazas! Que sexa a primeira de moitas!

UNHA HORA DE LER DIFERENTE

 

Hoxe Roberto, Anxo, Saínza, Jimena, Jose, Adam, Joel e Íker disfrutaron coma nunca da Hora de Ler. 

Aproveitando que damos clase nunha sala á que se accede a través do salón de actos, subímonos ao escenario para facer unha lectura dramatizada dunha pequena obriña de teatro que ten coma protagonista á natureza, e coa que tamén aprendimos a importancia de tenderlle a man desinteresadamente a quen precisa axuda. 

A pesar de que as cadeiras deixaban pouco espazo, o talento desbordou a sala e descubrimos que certo "paxariño" é un actor en potencia.

Pasámolo tan ben, que non tardaremos en repetir. Non será preciso que volva ser Hora de Ler...

LER CIENCIA

 A BiblioCidade ten unha ampla oferta de lecturas "científicas" para este mes de novembro.

Se che apetece ler ciencia, da unha volta pola biblio e vótalle unha ollada á escolma:

Este é só o principio, porque durante todo este mes, na porta da biblio atoparás un panel no que se publicarán noticias sobre ciencia e homenaxearemos co noso manequín as diferentes disciolinas científicas.

A CIENCIA POLOS CORREDORES

 Abrimos o mes de novembro con diferentes actividades orientadas a achegar a ciencia ao noso día a día. 

Na entrada principal atoparás un panel no que poderás ler noticias publicadas en diferentes medios de comunicación relacionadas coa ciencia.

Recorda que aínda podes participar no concurso de monólogos científicos e que con el poderás disfrutar dun almorzo gratuito e dun regaliño sorpresa...

E, como non, o noso manequín do proxecto Mulleres (IN)visibles homenaxeará a diferentes mulleres científicas. Agarda e verás o que novembro trae para aprender!

20 MINUTOS CON LUCIANO DE SAMÓSATA

 

Esta semana viaxamos á Lúa con Luciano de Samosanta. 

Alí descubrimos unha chea de acontecementos e de seres extraordinarios creados por un filósofo e autor que manifestou abertamente a súa intención de escribir, coma os demais, do que non sabía... E a fantasía púxose ao mando.

Neste paseo pola Lúa, tamén aprendimos que no grego afloran as palabras motivadas e que a imaxinación é un poderoso e fundamental instrumento para a vida.

E para rematar, non faltou a música. Nesta ocasión con The Waterboys e o seu tema The Whole fo The Moon. 

MISTERIO, TERROR, PANTASMAS,... A BIBLIOTECA RECOMENDA

 Co gallo do Samaín, organizamos unha pequeña exposición de fondos nos que perderse estes días. 

Pasa pola biblio antes da ponte e mergúllate no misterio!

SAMAÍN NA BIBLIOCIDADE

 A biblioteca xa está preparada para Samaín e para Halloween. Despois dunha entretida semana de manualidades nos recreos, a decoración do noso alumnado enche o noso espazo.

E non cabe dúbida: un ano máis a actividade estrela volve ser o concurso fotográfico. Aquí están as fotos finalistas, pero proximamente poderedes disfrutar de todos os traballos entregados.

                  O xurado teno complicado...