MIL SOLES CONTRA A VIOLENCIA DE XÉNERO

O alumnado de Literatura Universal, que traballa acotío na nosa bibliocidade, tivo a idea de facer unha pequena curta a partir da lectura da obra Mil soles espléndidos. Este foi o resultado. Non sabemos se vos gustará ou non, pero o que si que desexamos é que vos acheguedes a esta obra marabillosa que se converteu nun faro da literatura contra o maltrato. Faravos chorar, pero merecerá a pena.

A BIBLIOTECA POLO BO TRATO E CONTRA O MALTRATO

Esta semana e a que vén dedicarémonos a fondo a traballar co noso alumnado un tema tan grave como é o da violencia de xénero. Cremos que non debe ser cousa nun día recordar as víctimas e o sufrimento de tantas mulleres. Por iso, todos os departamentos didácticos, incluída a biblioteca, puxemos en marcha un proxecto interdisciplinar que xirará en torno a esta temática.
E como xa queriamos poñernos mans á obra, nesta semana na hora de ler repartimos textos sobre o maltrato que incluían desde narrativa, xornalismo ata poesía.
Por outra banda, hoxe pola mañá montamos unha exposición de lecturas polo bo trato, e contra o maltrato. Seguro que esta exposición medrará e medrará ao longo da próxima semana.
Queda moito por facer... Pero a biblioteca está moi concienciada da necesidade de abordar este problema e de apoiar ao profesorado para dar pequenos pasos desde as aulas que nos conduzan a acabar con esta lacra social.

LECTURAS POLO BO TRATO E CONTRA O MALTRATO by Slidely Slideshow

CONTRA A VIOLENCIA DE XÉNERO

No IES Cidade de Antioquía estase a cociñar un feixe de actividades para traballar en contra desta eiva da nosa sociedade. Irémolas publicando segundo vaian saíndo!
Para ir empezando, o departamento de orientación, incluiu na páxina deste blog CONVIVECIDADE algunha das súas propostas.

Accedede a elas na pestana superior CONVIVECIDADE

NOVAS ADQUISICIÓNS

O Diario de Greg é unha lectura moi demandada na nosa biblioteca. Por ese motivo, decidiuse completar a colección cos títulos que faltaban.
Menudo éxito! Aínda estabamos a desempaquetalos, e xa estaba Xoan agardando para levar o título que lle tocaba!!!!

Tamén acaba de chegar a última e agardada novela de Pedro Feijoo, Os fillos do lume, éxito de vendas dende a súa publicación a primeiros do verán.

Outra interesante nova é o último premio GRAN ANGULAR, Siempre será diciembre, de Wendy Pavies. A primeira páxina métenos no corpo as ganas de saber máis...

RECOMENDACIÓNS DE OUTONO

Empeza a chegar o frío, e apetece quedar na casa quentiñas, acompañadas dun bo libro! Na nosa biblioteca procuramos estar á última e por iso, para estas tardes nas que CHOVEN FOLLAS DAS ÁRBORES, ofrecémosvos un best-seller nacional: PATRIA de Fernando Aramburu. Atrevédesvos?

E para relaxar un pouco, un libro doutro premio nacional, Antonio García Teijeiro, LENDO LENDAS DIGO VERSOS. Precioso título para un precioso libro! Bo outono!

AS NOSAS LECTURAS DE CLUB

Pouquiño a pouco ímonos poñendo en marcha cos diferentes clubes de lectura que levamos a cabo no noso centro. Leremos Todo o tempo do mundo (D. Pérez Iglesias) no primeiro ciclo. En 4º de ESO leremos Rendición de R. Loriga e Izán o da saca (X. Quiroga). Con estas dúas últimas lecturas participaremos nas tertulias que organiza o Concello de Ourense. Por último, temos previsto estar nas tertulias organizadas polo IES de Allariz coa obra de Antón Riveiro Coello A ferida do vento. E isto só para comezar!! Porque o curso é longo e temos moitas ganas de ler!!!

XA TEMOS GAÑADORES DOS CONCURSOS DE SAMAÍN!!!

A semana pasada foi de medo por partida dobre!! O alumnado de primeiro ciclo trouxo obxectos que espertaban terror e todo o alumnado da ESO redactou microrrelatos de medo. E na foto están os gañadores, xa co seu premio. Parabéns polo traballo ben feito e grazas a todos e a todas as que participastes.

Premio Nacional de Literatura infantil e xuvenil 2017

Estes días de comezo de curso, recibimos a boa nova de que o Premio Nacional de Literatura infantil e xuvenil foi concedido a Antonio García Teijeiro, pola súa obra

Así comentaba un xornal a nova. Revisamos os nosos andeis e atopamos unha boa colección deste autor

Proximamente agardamos incorporar a obra premiada ós nosos fondos. Namentras, podedes ir petiscando estoutras! Bo proveito!

Premio Nobel de Literatura 2017

Toda unha sorpresa! Kazuo Ishiguro non aparecía entre os favoritos, e el mesmo declaraba que estaba a outra cousa cando o avisaron: “Estaba sentado en mi cocina, escribiendo unos mails y preparándome para una comida temprana, cuando me llamó mi agente y me dijo que creía que estaban anunciando que me habían dado el Nobel. Pero en estos tiempos de noticias falsas, no me lo creí hasta que llamó la BBC. Qué quieren, soy un tipo chapado a la antigua”, ha reconocido el autor de 62 años. “Nunca me creí un candidato. Pensaba que era algo que le pasaba a los autores viejos, y esto me ha hecho comprender que ya lo soy. Ha sido una sorpresa genuina. De haberlo imaginado, me habría lavado al menos el pelo, y no habría venido directamente de la cocina a hablar con ustedes”. (El País, 5/10/2017). A súa obra máis coñecida é

"In the summer of 1956, Stevens, a long-serving butler at Darlington Hall, decides to take a motoring trip through the West Country. The six-day excursion becomes a journey into the past of Stevens and England, a past that takes in fascism, two world wars, and an unrealised love between the butler and his housekeeper." A versión cinematográfica obtivo tamén un gran éxito, con numerosos premios e candidaturas ós Óscar.

Na nosa biblioteca non temos ningúnha obra súa que recomendarvos, pero trataremos de encher este baleiro!

Empezamos!

Abrimos as portas de Biblioantioquía con moitos folgos e algúns cambios.

Coma sempre estamos con tarefas técnicas para que todo vaia ben e agardamos ter todo listo para a semana próxima.

Seguimos coa limpeza de materiais que xa non usamos. Se sabedes de alguén que queira acoller enciclopedias, poñédeo en contacto connosco!

 E, por suposto, dándolle acubillo a novas incorporacións.

Recomendacións para o verán

Achéganse as vacacións; é o momento de aproveitar para disfrutar deses libros que non tivemos tempo de ler durante o curso.
Biblioantioquía está chea de posibilidades para encher a  túa mochila. Podedes acceder a recomendacións doutros veráns a través da etiqueta "lecturas de verán".

En primeiro lugar, deixámonos levar polas recomendacións de LA VOZ DE LA ESCUELA.

LIBROS DE NATUREZA

 O tema non pode ser máis interesante e moitos deles agárdante nos nosos andeis. Imos ir enchendo o cesto das recomendacións que nos cheguen.

E, por que non un clásico grego ou latino?

Bo proveito e bo verán!

Certame literario: Falando de solidariedade

Xa levamos anos colaborando e participando neste certame organizado polo CEIP Padre Crespo de Xunqueira de Ambía. 

Desta volta o noso alumnado presentou traballos de fotografía relacionados co tema proposto para esta ocasión: Solidariedade co medio ambiente.

Tratouse dunha xornada moi alegre e participativa na que puideron ver os medios empregados para a protección do medio ambiente, conferencias e por suposto a entrega de premios.

Obtiveron o 1º premio e o finalista na categoría de Fot -denuncia Iria Rodríguez e Diego Domínguez respectivamente, ambos alumnos de 1º E.S.O. Parabéns!!!!

Concurso de microrrelatos: “Cheguei a casa. Metín a chave na pechadura, abrín a porta e...”

Para seguirmos fomentando a creación do noso alumnado, a Biblioantioquia e os departamentos de Lingua Galega e Lingua Castelá convocaron un pequeno concurso para o alumnado de ensinanza secundaria.

Tratábase da creación dun microrrelato a partir dun comezo idéntico: 

“Cheguei a casa. Metín a chave na pechadura, abrín a porta e...”

A partir desta idea deuse paso á imaxinación do noso alumnado e houbo dende terror ata sobremesas...   Diferentes e orixinais abordaxes á creación literaria que obtivo o seu priemio.
Recibiu así premios e mencións especiais o almnado de 1º a 3º E.S.O., quedando deserta a categoría de 4º.

As nosas alumnas, porque neste caso foron todas mulleres, agradeceron o premio ao seu esforzo. 

1º E.S.O.:  L. Valeria Gutiérrez; finalista Carla Bolaño

2º E.S.O.:  premiada Elia Ana; finalista María Gómez

3º E.S.O.:   Bárbara Feijoo;  finalista María Rodríguez

"Actores desde el babero hasta la facultad"

Así titulaba La Voz de Galicia o seu artigo sobre o grupo de teatro Aneis de Xinzo de Limia.
Varias das nosas alumnas que remataron este ano 2º de Bacharelato, forman parte deste grupo dende pequeniñas.
Neste precioso artigo, o xornal fai un repaso da súa traxectoria agora que as actrices van voar máis lonxe.

Algunha das súas obras representouse no noso centro con grande éxito.
Recordades a Lidia, Sabela, Jésicas. Ana... pescudando quen era o/a asesino/-a?

Facede memoria

Biblioantioquia deséxavos moitos éxitos e moita felicidade nos vosos proxectos futuros!

Parabéns, Alba

A alumna do noso centro, Alba Domínguez, foi a gañadora do certame de relato curto, Jóvenes talentos de Coca-cola. Aquí tedes a entrevista publicada en La Región.

Grazas, Alba, por escoller a nosa biblioteca para retratarte! Que mellor escenario para celebrar un premio literario!

Alba Domínguez: "Las mujeres debemos luchar para que nos tengan respeto, no dejarnos pisar"

Alba Domínguez es la estudiante limiana de 14 años, que se alzó con el primer premio de Ourense en la categoría de relato corto del concurso Jóvenes Talentos de Coca Cola. Aficionada a la escritura desde los 7 años, su historia convenció a los jueces del certamen

Foto, La Región, 04/06/2017

El escritor Juan Goytisolo muere a los 84 años en Marruecos | Cultura

Isto é o que temos de Juan Goytisolo nos nosos andeis:

Pero, Juan Goytisolo ten unha amplísima produción literaria:

E moitos premios:

• Premio Miguel de Cervantes 2014
• Premio Quijote de las Letras Españolas 2014
• Premio Quijote de las Letras Españolas 2010
• Premio Nacional de las Letras Españolas 2008
• Premio de Literatura Juan Rulfo (FIL de Literatura) 2004

Pouco antes de recibir o premio Cervantes, deixou depositado na axencia Balcells un libro inédito, coa orde de publicalo 10 anos despois da súa morte. Hai que agardar!

S.T.T.L.

Día das Letras Galegas

Este ano o día das Letras estivo máis vencellado que nunca á Limia. Por iso, o alumnado do IES Cidade de Antioquía levaba tempo traballando coa obra de Carlos Casares.

A semana das Letras Galegas foi o cumio da súa relación co escritor limiao:  a véspera do día propio  

espuxeron os seus traballos na bilblioteca e noutros espazos do centro.

A sorpresa foi que estes traballos non foron só gráficos senón tamén dóces! Seguro que podedes sentir o arrecendo!

Velaí o grupo de 1° dando conta das obras en dóce...

E, o propio día, no acto central en Xinzo, a nosa alumna e compañeira Paula Limia comezou a lectura homenaxe a Casares co Conto de verán que prologa O galo de Antioquía escrito polo seu fillo Hakan

Presentáronnos, ademais, o traballo feito polos equipos de normalización lingüística dos CEIP de Xinzo e dos IES  de Allariz, Maceda e Xinzo, que incluía este precioso e particular xogo: A Oca de Carlos Casares!

Que celebración máis boa! Parabéns as persoas participantes!