.jpeg)
Na entrada do Cidade de Antioquía pode verse estes días unha exposición moi especial creada polo alumnado de 2º da ESO dentro dun proxecto impulsado polo Departamento de Xeografía e Historia en colaboración coa BiblioAntioquía, no marco das conmemoracións do 8M: Día Internacional da Muller.
Cada estudante escolleu unha muller relevante da historia e investigou sobre a súa vida e as súas achegas en diferentes ámbitos: ciencia, literatura, activismo, arte ou política. Coa información recompilada elaboraron pequenas biografías acompañadas de fotografías e datos destacados.
.jpeg)
A parte máis orixinal da actividade foi a presentación: o alumnado transformou caixas de cartón en televisións creativas, decoradas con gran imaxinación e detalle. Dentro de cada “pantalla” aparece a historia dunha destas mulleres, como se estivese a ser emitida nun programa especial dedicado a darlles visibilidade.
.jpeg)
O resultado é unha mostra chea de creatividade, investigación e memoria, que nos convida a coñecer mellor o papel fundamental que tantas mulleres tiveron, e teñen, na historia.
Desde a Biblio animámosvos a achegarvos a visitar a exposición e descubrir todas estas historias que agora “saen na tele”.
Ningún comentario:
Publicar un comentario