.jpeg)
Con motivo do 8 de marzo, Día Internacional da Muller, o Departamento de Filosofía preparou unha exposición na biblioteca do centro titulada “Historia do Feminismo”.
A mostra propón un pequeno percorrido pola historia do movemento feminista, desde os seus antecedentes ata as correntes máis actuais. A través de diferentes paneis, pódense coñecer algunhas das figuras e momentos máis importantes desta loita polos dereitos das mulleres.
Entre outras, aparecen pensadoras e activistas como Mary Wollstonecraft, pioneira na defensa da igualdade no século XVIII; Olympe de Gouges, autora da Declaración dos Dereitos da Muller e da Cidadá; ou Sojourner Truth, que denunciou a discriminación racial e de xénero no século XIX.
A exposición tamén recolle a evolución do feminismo ao longo do tempo: o sufraxismo, a chamada segunda onda do feminismo, e correntes máis recentes como o feminismo liberal, o feminismo radical, o feminismo poscolonial, a teoría queer ou o ciberfeminismo.
Esta iniciativa busca achegar ao alumnado algunhas claves para entender a historia das reivindicacións feministas e coñecer mellor as persoas e ideas que contribuíron aos avances en igualdade.
Se pasades pola biblioteca estes días, botádelle un ollo á exposición. Seguro que descubriredes cousas interesantes… e quen sabe, igual tamén atopades algún libro que vos apeteza levar para seguir investigando sobre o tema. 📚
.jpeg)
.jpeg)
Ningún comentario:
Publicar un comentario