Repetimos concurso, pero esta vez con novidades. Aínda non participaches no pasapalabra? A que esperas? E se es profe, non te cortes! Tamén podes participar...
Deposita no buzón a túa folla de respostas antes deste venres. A próxima semana coñeceremos aos gañadores ou gañadoras.
Atención á oferta lectora do noso alumnado de 4º ESO!
Con este plan de alimentación lectora, desexámosvos un feliz día do libro.
Continuamos coa semana do libro cunha interesante proposta. Pecha os ollos ou elixe unha cor... Anímate a ter una Cita a cegas cun libro.
Hai libros que marcan, que emocionan, que ensinan, libros que non deberías deixar de ler. Pasa pola BiblioAntioquía e dalle unha volta á nosa exposición xiratoria permanente de grandes lecturas que queremos compartir contigo:
Lembramos a toda a comunidade educativa do IES Cidade de Antioquía que contades coa posibilidade de mergullarvos na lectura dixital coa plataforma ELBE2. Clica na seguinte liña e infórmate.
E se aínda tes dúbidas, pasa nos recreos pola BiblioAntioquía!
.png)
Que pasaríase aos homes lles tocara vivir a vida dunha muller e a unha muller vivir a vida dun home nunha sociedade coma a nosa? Se tes curiosidade esta é a nosa proposta
E non está de máis dicir que Tais Rego, a tradutora, foi alumna do noso instituto.
É para nós un enorme orgullo ofrecervos nesta biblioteca o traballo de que aquí se formou.
Pechamos a semana da prensa coa reflexión do alumnado de Latín e Grego sobre a publicidade, ese sustento básico para todos os medios de comunicación. O que se evidencia con esta exposición é que non son linguas tan mortas como parece.
Primavera e poesía chegan cada ano da man. Para celebrar este día, o alumnado de 1º e 2º ESO do IES Cidade de Antioquía xogou con versos e formas: poesía visual, versos a dous autores, poesía revelada,... convertíronse nos protagonistas das clases de Lingua Castelá e Literatura nesta xornada.
Nos últimos tempos a BiblioAntioquía vén incrementando os seus fondos en verso. Aínda que sexa un xénero minoritario, nunca está de máis sacar un oquiño para achegarse á poesía. Por iso, invitámosvos a darvos unha volta pola biblio para ver a exposición de libros de poesía do século XXI, e caeredes na conta de que hai moito de música nos versos.
Desta vez, a BiblioAntioquía mostra o traballo desenvolvido polo alumnado de Proxecto Competencial de 1º ESO.
A través dunha caza do tesouro chamada A volta a Europa entre xornais e deseñada pola biblio, o alumnado fixo un metódico traballo de investigación que o levou a responder a gran pregunta. Velaquí a ligazón á actividade e unha montaxe fotográfica do proceso...
A VOLTA A EUROPA ENTRE XORNAIS (Caza do tesouro)
Dende principio de curso, a sección de Normalización Lingüística e o Departamento de Lingua e Literatura Galega veñen implementando unha campaña de difusión e apoio á lingua galega. Estes son algúns dos nosos valedores co cartel...
Unha iniciativa máis para o 8 de marzo. Mar, profe de Física e Química, fíxolle ao seu alumnado de 4º ESO unha curiosa pregunta: Como sería un día sin... un invento dunha muller?
As respostas, en formato audiovisual, foron moi interesantes. Pronto compartiremos con vos os vídeos máis divertidos.
O grupo de traballo da BiblioAntioquía, integrado por docentes de diferentes materias, organizou unha táboa periódica diferente destinada a visibilizar a labor en diferentes áreas: filósofas, literatas, deportistas, científicas,... compoñen un mural compartido no que participaron case todas a clases do instituto.
Grazas ao equipo docente pola súa implicación e ao alumnado pola eficiencia no traballo! E por suposto, o noso apoio ás mulleres que día a día contribúen a que o mundo xire doutro xeito.
.png)
Hoxe, no Día de Rosalía, á árbore da BiblioAntioquía saíronlle follas novas.
E, de súpeto, volveuse o mellor espazo para facer soar a Rosalía, muller de verso e dor, de amor e sombra, de terra e loita, precursora de tanto e inspiración para tantos.
Nova reunión dos membros máis novos de Ao pe da Letra. Despois da presentación de El bosque rojo pola súa autora, Sabela Álvarez Veloso, realizaron a súa lectura e este luns, 19 de febreiro, tocaba conversar sobre ela cuns doces como perfecto complemento.
A BiblioAntioquía habilitou un novo espazo para o xogo fóra do recinto propio da biblio para favorecer o estudo dos usuarios e usuarias, sobre todo, en tempos de exames. Este novo espazo ubícase na planta principal, no corredor das aulas de informática. Se queres xogar, pasa pola biblio ou pola sala de profes e pide a chave do armario dos xogos. Eso si, non esquezas devolver o que empregues cando remate o recreo.
Agradecémosvos que deixedes as mesas e sillas igual de ordenadas que as atopades.
Celebramos hoxe o Día da Muller e a Nena na Ciencia, unha data para invitar á reflexión. Le e pensa no papel que ti queres desenvolver no futuro que nos agarda.
O alumnado de 3º ESO C adicou os días previos a Entroido a traballar a información e a imaxe para elaborar uns fantásticos carteis promocionais do Entroido de diferente localidades ourensás que ben poderías atopar en calquera parede, rede social ou local. Fantástico traballo!
Atención alumnado do IES Cidade de Antioquía. Chega un concurso de Entroido. Premiaremos a orixinalidade, a maxia, a emoción, pero sobre todo a vosa capacidade de recoller nunha imaxe o sentimento entroideiro limiano.
Animádevos a participar!
Colabora en San Valentín co alumnado de Francés e de Portugués que preparan cadansúa inmersión lingüística. Pasa pola porta da cafetería ou pola entrada principal e fai os teus encargos.
.png)
.png)
.png)
.png){kind=link}