Hoxe, 21 de outubro é o Día Mundial da Ética e o pasado luns, na Hora de Ler, aproveitamos a ocasión para achegarnos a esta cuestión desde unha perspectiva moi próxima ao noso día a día.
A través dunha lectura guiada, descubrimos que a ética é moito máis ca unha cuestión filosófica: está presente nas pequenas decisións que tomamos a diario, na maneira en que tratamos as demais persoas e na responsabilidade que asumimos polas nosas accións.
Falamos de cuestións tan actuais como o respecto aos animais, o uso responsable da intelixencia artificial, a convivencia nas redes sociais e o coidado do medio ambiente. Tamén lembramos algunhas das ideas de Sócrates e dos sofistas, que xa na antiga Grecia se preguntaban como debemos vivir e que significa actuar correctamente.
Para rematar, abrimos un pequeno debate arredor de tres preguntas: se algo se converte en correcto polo simple feito de que todo o mundo o faga, se debemos priorizar o que pensamos ou como poden sentirse as demais persoas e que pequenas decisións podemos tomar para facer do noso centro un lugar máis xusto.
Porque a ética consiste precisamente en aprender a pensar con responsabilidade, escoitar outras opinións e convivir con respecto.
Ningún comentario:
Publicar un comentario