XA É NADAL NO CIDADE DE ANTIOQUÍA! TODO LISTO PARA O V MERCADIÑO DE LIBROS SOLIDARIO

O Nadal chega ao IES Cidade de Antioquía pola porta grande! E, sobre todo, chega pensando en facilitarvos a vida. ¿Non sabes que regalar nestas festas? Tranqui, que xa o decidimos nós por ti: un libro!

O vindeiro luns 1 de decembro arranca, no vestíbulo do noso IES, o xa tradicional Mercadiño de Libros Solidario de Nadal, que celebra este ano a súa quinta edición. Como sempre, os fondos recadados coas vendas irán destinados ao Banco de Alimentos de Ourense.

Con prezos de 1 e 2 euros, atoparedes auténticas gangas ás que non vos poderedes resistir, diso estamos segurísimas. Un agasallo para a familia, para as amizades… ou un autoregalo, que sempre vén ben!

Animádevos: o mercadiño funcionará ata o 9 de decembro!

Un pequeno xesto pode iluminar moitas mesas neste Nadal.