Día das Letras: Poemar o mar; Memorias dun neno labrego. 1º de ESO en acción

 O alumnado de 1º de ESO, xunto coa súa profe, Asun Caneda, fixeron esta fermosa homenaxe ás nosas letras. 

Bo traballo!

Conexión poética

  María marchou do instituto no curso do confinamento, case sen podermos despedirnos como é debido. Ela e todo o grupo de 2º de bacharelato. 

Xusto antes de marchar para as nosas casas, soubemos que escribía poesía e que, oh marabilla, acababa de publicar un libro. Case sen tempo para reaccionar, pensamos en compralo, lelo, compartilo. 

Agora, un ano despois, témola connosco virtualmente. Xa compartiu un rato de poesía en vivo co alumnado de 1º de bacharelato. Hoxe tócalle a 2º de Bacharelato. Emocionante. Faremos crónica

Na nosa biblioteca temos varios exemplares. Bulide que marchan!

Un aperitivo:

Mulleres in-visibles. Poetas: Safo

 E despois de Rosalía, chegou Safo dende Lesbos

Gabriel Tizón: O importante non importa

 

O fotógrafo Gabriel Tizón, que en dúas ocasións visitou o IES Cidade de Antioquía, publicou un novo libro que bate nas nosas conciencias xa só co título.

Para non esquecer O IMPORTANTE, en todo momento.

Vós sodes as protagonistas

Camiños para a igualdade

 Lola cóntanos a súa experiencia no fútbol, "Unha chica nun equipo de chicos. Eu cambiaría..."

 E Eva fálanos da presenza das mulleres no seu traballo, nun campo -a automoción-, no que a presenza feminina non era moi habitual. 

Moitas reflexións contra a discriminación resumidas nas frases finais de Eva: a mellor vacina contra a desigualdade, a violencia e a ignorancia é a educación. 

Mentes abertas contra os prexuizos!

POR TODAS AS MULLERES, LEVÁNTOME!!!

 Esta é a homenaxe que Bibliocidade lle dedica a todas as mulleres neste 8 de marzo tan especial. Levántate sempre, por todas as mulleres, todos os días. Grazas ao alumnado participante, por serdes activistas e por poñer voz a este marabilloso poema de Maya Angelou.

Certame de relato breve "Todos os dereitos. Todas as mulleres. Todos os días

Convocado polo Concello de Xinzo de Limia

 I CERTAME DE RELATO BREVE“TODOS OS DEREITOS. TODAS AS MULLERES. TODOS OS DÍAS”

 En conmemoración do 8 de marzo, Día Internacional da Muller. Organizado pola Concellaría de Igualdade do Concello de Xinzo de Limia. 

• Participantes O certame diríxese a todas as persoas que desexen participar, con independencia da súa idade, do seu sexo, da súa nacionalidade ou do seu lugar de residencia. 
• Temática Todas as obras presentadas versarán sobre o feminismo e a súa historia, o valor da igualdade e da non discriminación por razón de sexo, a axenda pendente das mulleres, as mulleres no mundo e as mulleres que fixeron e fan historia. Non se admitirán contidos que inclúan linguaxe malsoante, alusións a terceiras persoas, mensaxes discriminatorias ou que puideran ser considerados apoloxía do odio.
•  Condicións: 
• Os traballos deberán ser inéditos, en galego, e non presentados, co mesmo ou con outro título, a ningún outro certame pendente de resolución. 
• O estilo será narrativa, tipo relato curto, cunha extensión que non poderá superar as dúas páxinas en letra Arial de 12 puntos con interliñado normal. 
• O relato deberá estar escrito con linguaxe non sexista. 
• O relato non poderá levar sinatura....

Máis info, na Biblioteca do centro ou no Concello

E chegou Rosalía

Aínda estabamos repartindo vacinas contra o mal de amores, e chegou Rosalía, e instalouse ás nosas portas, ofrecendo pílulas poéticas sen data de caducidade!

E tras ela, chegarán mulleres poetas, medio agochadas por causa do seu xénero, que faremos visibles en corpo e obra.

 

AS PROTAGONISTAS SODES VÓS

 

Día da poesía. ENFIANDO UN POEMA

 Imos crear entre toda a comunidade educativa un poema para estrear o Día da poesía. 

Anímaste? Deixa aquí os teus versos (un ou dous) que non é preciso enlazar cos anteriores.

Con todos eses versos enfiaremos un poema MOI NOSO

(Para ter unha idea do que pretendemos, aquí tedes un modelo)

Portas case abertas

  

Despois de cinco meses traballando a porta cerrada, a biblioteca reábrese exclusivamente para o préstamo de materiais, pero con limitacións:

1. O acceso sempre se realizará de modo controlado e cun máximo de 4 usuari@s por quenda.
2. Cada grupo ten o seu horario:

Luns	Martes	Mércores	Xoves	Venres
1º ESO	2º ESO	3º ESO	4º ESO	CICLOS + BACH

    3. As normas de seguridade deben ser cumpridas sempre: 

• desinfección de mans na entrada,
• cumprimento das normas de espazo, deixando a distancia de seguridade entre usuarios, 
• ao rematar o uso, deixar no lugar habilitado os libros que non se leven en préstamo para proceder á súa corentena.

ENTROIDO RECOLLIDO

As máscaras acáellen ben ó Entroido, así que este ano non puidemos evitar que se nos metan no instituto, 

Onte chorabamos por el, pero....

HOXE ESTÁ VIVO, VIVO, VIVO!!!!

 

RECEITAS AMOROSAS

 O buzón das receitas contra o maldeamores agora está máis preto de vós! Só tedes que pensar, escribir, enviar.... 

Seguro que hai un cento de pacientes agardando a vosa axuda!

WANGARI E AS ÁRBORES DA PAZ

 Coñecedes a esta muller? No ano 2004 recibiu o Premio Nobel da Paz, un recoñecemento á súa entrega á ecoloxía. Comezou con pequenas accións que poden servir de exemplo a quen, como ti, coma min, moitas veces pensamos que NON PODEMOS FACER NADA!

O alumnado do Cidade de Antioquía, coñece ben a súa historia, e elaborou esta preciosa exposición, ás portas de Biblioantioquia.

 

 

Este precioso libro, recolle a súa historia. Libros, árbores, mulleres...que bos ingredientes para este manxar!

Amor, amor, amor. Tamén en tempos difíciles

 Anímaste a compartir a túa fórmula máxico-médica contra o MAL DE AMORES?

Herbas, beberaxes, músicas, lecturas, imaxes... todos os ingredientes poden ser efectivos ante un corazón roto. 

Adiante, 2021

 O IES Cidade de Antioquía empeza o ano con alegría, bos desexos e sobre todo, MOITA FORZA!

Saúde e boas lecturas!

ISO QUE VÓS NOS DADES. MIL GRAZAS.

É 21 de decembro. Pensabamos hai uns meses que non poderiamos chegar ata aquí. E conseguímolo entre tod@s. Pero, sobre todo, lográmolo porque o noso alumnado foi un exemplo de responsabilidade e de civismo. Por iso queremos agradecervos o voso comportamento impecable. Fomos un GRAN EQUIPO e seguirémolo sendo, sempre, para loitar contra calquera adversidade.

Estamos orgullosos de vós. E así volo queremos agradecer. Cun vídeo moi divertido, que fixemos pensando en VÓS para darvos as grazas de todo corazón por devolvernos a esperanza. Sodes marabillosos e marabillosas, O MELLOR ALUMNADO DO MUNDO.

En tinta negra. Premio do I Certame de Microrrelatos sobre a Diversidade Sexual

En tinta negra

—Completa as seguintes oracións empregando a forma correcta de “ca”, “cá” ou “que a”.

A voz da profesora de galego escóitase con claridade en toda a aula. Retiro a tapa do meu bolígrafo azul e escribo o número do exercicio nunha esquina do caderno, trazando un círculo ao seu redor.

—Xiana, por favor, le o primeiro apartado e complétao ti xa.

Cando escoito o meu nome escorrerse entre os seus beizos, aclaro a gorxa para falar e busco coa ollada o texto que teño que ler. Collo aire e pronuncio as palabras que veñen escritas en tinta negra no libro de texto de primeiro de bacharelato.

—A moza de Laura é máis alta ca ela.

A mestra indícame que a resolución do exercicio é correcta e avanza coa seguinte oración, pero eu quedo parada mentres as súas palabras se esvaecen nos meus oídos.

Volvo recorrer coa mirada a liña que acabo de ler en voz alta. Repásoa unha e outra vez, co temor de que nesta ocasión as letras cambiasen de posición. Pero seguen aí. Exactamente iguais. A moza de Laura. Non podo evitar que se me escape un sorriso. Porque está escrito. Por primeira vez está escrito no meu libro do instituto. Acaricio suavemente a banda de tea de cores que descansa arredor do meu pulso e volvo prestar atención á clase, aínda saboreando na punta da lingua a sensación de que cada vez chegamos máis lonxe.

Alma Alonso

I Certame de Microrrelatos sobre a Diversidade Sexual 

Xov, 24/09/2020 - 10:39 

O xornal Nós Diario, en colaboración coas asociacións Arelas, Avante LGTBI+ Lugo e Sete Outeiros, e mais a Rede Museística Provincial de Lugo, convocan o I Certame de Microrrelatos sobre a Diversidade Sexual. Poderán cursos todas as persoas maiores de idade e as persoas menores de idade con autorización expresa de quen posúa a súa custodia legal.

Pódense consultar aquí as bases da convocatoria.

ES CONSCIENTE DOS RESIDUOS QUE PRODUCIMOS CADA DÍA?

 Todos os días xeramos moitísimos residuos, pero non somos conscientes de enorme cantidade que supoñen e do que contaminan no medio ambiente. Para visibilizar este problema, desde o Departamento de Física e Química levamos a cabo unha actividade de concienciación que se enmarcou dentro da Semana Europea da Prevención de Residuos. Podedes ver os resultados no documento PDF que se adxunta. Ídevos sorprender!!! 

GRAN CONCURSO DE NADAL 2020!!!

 

Aí vén o Nadal!

 Como cada ano, o departamento de Plástica coa axuda do de Inglés e o apoio da Biblioteca, presenta o tradicional concurso de POSTAIS.

Aquí tes as bases: 

• Técnica libre
• Tamaño: 1/2 folio A5
• Data de entrega: antes do 17 de decembro
• Lugar: buzón de Nadal á porta da Biblioteca

Bota a voar o teu maxín e deseña a túa postal! 

BIBLIOANTIOQUIA CONTRA A VIOLENCIA

 Vanse enchendo os nosos espazos de achegas en linguas diversas, con sentires diversos, con perspectivas diversas. Todas cunha meta común: construír unha parede na que topen as actitudes violentas.

Día mundial diante da violencia contra a muller

 

25 DE NOVEMBRO

Día internacional da eliminación da violencia contra a muller

É posible que só oíras falar da República Dominicana como lugar de vacacións, que non coñezas ás irmás Mirabal e que non saibas que opoñerse á dictadura de Rafael Leónidas Trujillo no seu país fixo que acabaran os seus días nun coche no fondo dun precipicio.

Por desgracia, miles de mulleres a día de hoxe seguen asomadas a outro precipicio igual de inquietante. Por eso, no IES Cidade de Antioquía, cada 25 de Novembro damos un paso adiante e conmemoramos o Día internacional da eliminación da violencia contra a muller para rendir o noso propio tributo a todas esas mulleres que perderon a vida e solidarizarnos con todas aquelas que sofren pola lacra do maltrato. Por eso, invitámoste a participar no concurso “Carta aberta fronte a violencia contra a muller ”.

A finalidade é que escribas unha carta a un maltratador, a esa vítima que cala, á que se rebela,, á familia que a sofre, á testemuña que pecha os ollos e segue o seu camiño... Ti elixe un destinatario e faite oír, nós seremos o teu altofalante.

BASES:
Presentar en folio blanco ou de cor, pero folio!
Extensión mínima: 25 – 30 liñas a ordenador ou a man, sempre que letra sexa lexible. Idioma: castelán ou galego.

Categorías I: 1o ESO – 2o ESO.
Categoría II: 3o ESO – 4o ESO – FPB.
Categoría III: BACHARELATO E FORMACIÓN PROFESIONAL.

Data límite para participar: 23 de Novembro de 2020.
Entregar na biblioteca ou á persoa responsable da titoría do teu grupo.

Relatos terrroríficos III

LE REFLET

Au sommet de la grande colline de la ville se trouvait une petite maison principalement herbeuse. Tous les habitants avarent peur de s’approcher parce que chaque nuit de plen lune, on  puvait voir le reflet d’une fille dans le seule fênetre de la maison.

Comme ils en avaient assez d’avoir peur a passer par là, les voisins ont décidé de se réunir pour que quelqu’un ose y aller. Le fils du maire, que voulait parâtre courageux, s’est porté volontaire.

Il est parti de nuit et a promis de revenir le lendemain. Comme prévu, il ne s’est pas présenté et au bout de quatre semaines, les voisins se sont  de nouveau réunis le jour de la pleine lune pour observer la fênetre de la sombre maison.

Ce qu’ils ont vu les a choque’s, car le reflet qu’ils ont vu cette fois n’était pas celui de la fille mais celui du fils du maire, Peut-être que la maison était hantée…

Carla Bolaño Sotelo, 1º Bacharelato B

May and Lisa were two girls, they were veste Friends, but one day, they got very angry, three months later May died, Lisa was very sad because she loved May and couldn’t say goodbye.

Al nights Lisa had nightmares with May. The first Halloween without May Lisa had a nightmare, but the nightmare was different…

Lisa dreamed that she and May were playing with a doll, the doll was old and creepy, in the dream May said: “I will always be with you” and Lisa was silent, suddenly Lisa wake up to a loud noise, it looks like something had fallen, but Lisa was alone, Lisa got out of bed and slowly went to look around the house, but there was nothing, she went back to bed because it was 3:00 a.m., but when she returned to bed, she found the dream doll on top of the bed and a letter next to the doll, that said: From May to Lisa.

Carla Pereira Antúnez, 1º ESO B

Relatos terroríficos II

No se podía creer que al fin la hubiese hallado. Después de tantos cuentos escuchados a su abuela sobre princesas rescatadas. Por fin hacía realidad su sueño de infancia. Observó la torre, solo un ventanuco casi comido por la hiedra. Miró hacia adentro y pudo ver a una joven de belleza ninfea, tez pálida, encaracolados cabellos rubios y mejillas encarnadas; le pareció intuir, además, unos ojos claros, tal vez acuosos. Comenzó a trepar y cuando estaba ya casi arriba, una mano nívea le fue tendida. Él se asió como si de un oasis en medio del desierto se tratara. Ella sonrió, entonces lo vio, unas infinitas hileras de dientes que semejaban alfileres y unos ojos rojos, casi que demoníacos. Trató de soltarse, pero ya era demasiado tarde.

Después, mientras rechupeteaba un par de costillas, sonrió al recordar el libro de cuentos que sus hermanos publicarían, por aquel entonces sus festines serían prácticamente diarios. Sonrió.

Laura Valeria Gutiérrez Caneda, 1º Bacharelato A

CORTES DE BONECA

Unha leve brisa golpeaba na xanela cun ritmo constante. A rapaza revolvíase inquieta entre as sabas debido aos sons que inundaban a habitación. Subitamente, un forte estrondo fixo eco nas catro paredes e unha corrente de aire frío penetrou no cuarto. A rapaza, instintivamente, ergueuse á vez que se abrazaba a si mesma intentando espantar o frío. Ollou cara a ventá aberta, mentres sentía arrepíos percorrendo o seu corpo. Era unha noite de inverno coma calquera outra, cunha néboa pechada inundando a rúa. Curiosa, achegouse á ventá para tentar pechala. Era un suceso estraño, xa que as ventas non se abrían soas con facilidade e o vento non era excesivamente forte. Sen darlle moitas voltas, pechouna e correndo, refuxiouse de novo na súa cama tentando entrar en calor. Cando xa estaba a piques de volver caer nos brazos de Morfeo, outro ruído púxoa alerta. A boneca de porcelana que herdara da súa nai xacía feita anacos aos pés da cama. Levantouse, esta vez cautelosamente, e con delicadeza recolleu os restos da faciana do xoguete. Comezou a sentir como sangue corría polas súas mans aínda cando non notara ningún corte nelas, e xa asustada, soltou os anacos e retrocedeu tropezando e caendo, á vez que se sumía nunha profunda escuridade. Horas despois, o sol iluminaba o cuarto no que a nai entraba e atopaba baleiro, coa única presenza da boneca, intacta, no medio do leito.

Nerea Carballo Fernández, 2º Bacharelato B