DÍA MUNDIAL SEN WIFI: UNHA LECTURA PARA DESCONECTAR

O pasado venres, o alumnado do noso IES participou nunha lectura moi especial con motivo do Día Mundial sen Wifi, que se celebra o 8 de novembro. A actividade serviu para reflexionar sobre o uso excesivo da tecnoloxía e a importancia de atopar un equilibrio entre a vida dixital e a real.

Durante esta sesión da Hora de ler, descubrimos a orixe desta efeméride, promovida pola Federación Ambientalista Internacional no ano 2016, e comentamos curiosidades sobre o wifi: desde a súa etimoloxía ata a súa sorprendente relación coa actriz e inventora Hedy Lamarr, ou o desenvolvemento das tecnoloxías sen fíos.

A lectura tamén deu pé a un debate moi interesante:

• Que actividades podemos facer sen wifi?
• Seríamos capaces de pasar un día enteiro sen conexión?
• Canto tempo dedicamos ás redes sociais?

As respostas foron diversas, pero todas amosaron unha gran capacidade crítica e unha vontade de desconectar un pouco máis para volver conectar co mundo real.

Unhas reflexións moi enriquecedoras que nos recordan que, ás veces, o mellor sinal é o que se atopa fóra das pantallas.

SAMAÍN DE MEDO... E DE PREMIO! CELEBRAMOS O TALENTO DO NOSO ALUMNADO

Este Samaín, a nosa biblioteca encheuse de maxia, medo e moita creatividade. Queremos felicitar a todo o alumnado que participou nos distintos concursos! As vosas fotos, relatos e disfraces demostraron que o espírito do Samaín está moi vivo no noso instituto.

Aquí tedes a listaxe de gañadores e gañadoras:

• Concurso de Fotografía: “Spooky Pictures”
• 1º Premio: Exorcismo

• 2º Premio: The nun of the forgotten

• 3º Premio: Tras las sombras

• Concurso de Disfraces: Pasarela de pesadelo
• 1º Premio:  Aldara Palomares García (2º ESO B) e Noa Martínez Castuera (3º ESO A)

 

• 2º Premio: Noa González Vázquez e Antía Rodríguez Cerredelo (1ºESO B)

• Concurso de Microrrelatos de Medo
• 1º Premio: Cindy Novoa Chaparro (4º ESO C)
• 2º Premio: José Manuel González Ramírez  (4º ESO C)
• 3º Premio: Mario Hurtado Rolán (2º Xestión Forestal)

• Decoración de Portas Teroríficas
• Clase gañadora: 1º ESO C

A entrega de premios terá lugar mañá, venres 7 de novembro na Biblio, durante o recreo.

Parabéns a todas e todos polos vosos traballos e por facer que o Samaín sexa unha celebración chea de talento, humor e terror!

"AO PÉ DA LETRA" VERSIÓN MINI: XA SE REUNIU O CLUB DE LECTURA DOS PEQUENOS!

Hai xa case un par de semanas que se reuniu por primeira vez o club de lectura que xunta aos membros máis novos da comunidade educativa do noso IES. Unha versión de "Ao pé da letra" que está conformado, principalmente, por alumnado de primeiro da ESO e co que nesta primeira sesión, pois empezouse polo principio. 

Lembramos ou aprendimos que é iso dun club de lectura e tamén tivemos oportunidade de facer valer a nosa opinión: primeiro, a man alzada, votando os nosos xéneros e formatos favoritos; e despois, dunha maneira máis ordeada, cubrindo un cuestionario coas nosas preferencias lectoras. 

Con todos os datos recollidos, as profes Tania e María elaborarán unha lista de libros que levarán á próxima reunión para escoller, entre todas e todos, o primeiro título que imos ler! Cal será? Que emoción!!! 

Moi pronto na BiblioAntioquía...