CONCURSO FOTOGRÁFICO

 Xa está en marcha a votación do concurso fotográfico de Samaín. Quen gañará?

SAMAÍN NA BIBLIOTECA

Velaquí unha biblioteca preparada xa para recibir aos nosos pequenos monstruos...

      

         

PRIMEIRAS VISITAS

Os máis noviños do noso IES aproveitaron o Día das Bibliotecas para achegarse a coñecer a nosa BiblioAntioquía. Grazas a Raúl Piñeiro, o seu profe de Galego, por conducir os seus primeiros pasiños por este espazo. Agardamos vervos por aquí moitas veces máis.

 

CURIOSAS BIBLIOTECAS

A biblioteca máis pequena do mundo está en Sigtuna (Estocolmo).

A Biblioteca Británica de Londres é a biblioteca con máis fondos do mundo. 

As bibliotecas máis espectaculares están nesta ligazón. Pasea por elas dende a túa casa.

Pero se algo debe ser valorado é o traballo que realiza quen, cos medios xustos, fai chegar a cultura a espazos esquecidos ou alonxados do mundanal ruído.

O Biblioburro do profesor Luis Soriano.

Os Bibliobuses, que achegan a lectura á España rural. Velaquí un exemplo dos moitos que podes atopar:

E mesmo aquí, na nosa terra, en Lugo e Ourense funciona a Furgoteca. Preme aquí e achégate a ela.

Feliz Día das Bibliotecas 2024!

SAMAÍN CHAMA Á TÚA PORTA...

 Abriraslle?

 

LER O MUNDO CLÁSICO

 öscar Soto, profe de Latín e Grego, deu unha volta pola bilio para facer unha selección de libros da súa sección. Anímaste a ler o mundo clásico?

CONTAMOS COA TÚA OPINIÓN

 Nos esquezas que na BiblioAntioquía escoitamos o que nos queiras dicir, de viva voz ou a través do noso buzón de suxestións.

Actividades de dinamización, libros do teu interese, novas propostas,

DÍA INTERNACIONAL DAS LINGUAS

O 26 de setembro conmemórase o Día internacional das linguas, por eso, o noso alumnado de 1º ESO, da man de Marta, a súa profe de Lingua Castelá e Literatura, preparou estes murais:

"A linguaxe é unha cidade para cuxa edificación cada ser humano aportou unha pedra" (Ralph W. Emerson)

COÑECES ELBE2?

Ademais do papel, que tanto vos gusta, a BiblioAntioquía ofrécevos a posibilidade de ler en soporte dixital, empregando a plataforma gratuita ELBE2. Na ligazón de abaixo tes máis información. E lebra que se queres as túas claves, só tes que pasar pola biblio nos recreos e pedilas.  

ACHÉGATE A ELBE2

BENVIDO/AS AO CURSO 2024-2025!

 A BiblioAntioquía está de volta e un curso máis camiñará ao teu carón. 

Agardamos a túa visita.

O PROMETIDO É DÉBEDA

 Xa comentamos meses atrás coas maletas lectoras que o novo proxecto de lectura de Angélica, profe de Castelán, prometía; e aquí tedes un adianto...

Parabéns ao alumnado de 2º ESO B que traballou con adicación e agarimo a súa lectura de Las lágrimas de Shiva.

Proximamente exposición na BiblioAntioquía

NOVOS ESPAZOS NA BIBLIOANTIOQUÍA

Como parte da aposta da BiblioAntioquía pola diversidade, creamos o Recuncho Diverso de Lecturas. Porque o mundo é de cores e hai quen non o sabe, presentamos nesta exposición permanente unha mostra de lecturas que nos ensinan a convivir, 

E esto só é o principio, a colección crecerá.

FELIZ DÍA DAS LETRAS GALEGAS

 

POESÍA, MÚSICA E ALMA

 Luísa Villalta encheu as nosas aulas e corredores de versos, de música e de aprendizaxe. Velaquí a homenaxe do IES Cidade de Antioquía ás letras galegas de 2024.

Murais realizados polo alumnado de 1º ESO con Susana, profe de Xeografía e Historia.

Trípticos elaborados polo alumnado de 2º ESO con Xabier Pais, profe de Galego.

Exposición de fondos na biblioteca:

Exposición da cartelería facilitada pola Xunta:

CARTAS DENDE AS TRINCHEIRAS

Quen non oíu falar dos conflictos bélicos en Ucrania ou Gaza en enchen as noticias nos últimos tempos? O alumnado do IES Cidade de Antioquía tamén sabe deles e con esta actividade fixeron un exercicio de historia, de redacción, pero sobre todo de empatía e humanidade.

Parabéns aos rapaces e rapazas que escribiron as cartas e grazas a Abraham de Historia por ser guía desta actividade que se expón na porta da biblioteca!

ESPAZOS CON VIDA

O recreo, o descanso do luns tras comer, calquera pode ser un bo momento para aproveitar o espazo de xogo. Seguimos gozando del!