OS AGASALLOS DO PASAPALABRA...

 Xa teñen donos e son 

Xián Mera, de 1º ESO A na sección de alumnado.

Mercedes Ramudo, profe de Francés, na sección de profesorado.

Parabéns!

YINCANA NA BIBLIOANTIOQUÍA

Temos unha actividade máis para esta semana do libro. Ana Belén, profe de Inglés, deseñou unha yincana para pór a proba os coñecementos do alumnado de 1º ESO sobre a organización e busca na biblio. Aínda queda moito por aprender, pero pasárono moi ben. 

50 ANOS DA REVOLUÇAO DOS CRAVOS

O alumnado de Portugués do noso instituto elaborou un impecable traballo para conmemorar o cincuenta aniversario da Revoluçao dos cravos, un percorrido variado por un feito fundamental na historia do país luso. Atoparás a exposición no taboleiro da biblioteca da entrada principal, xusto ao lado do ascensor.

E para completar esta homenaxe ao país veciño, dende a BiblioAntioquía, ofrecemos unha pequena exposición de fondo seleccionados en Portugués.

PASAPALABRA LITERARIO

Repetimos concurso, pero esta vez con novidades. Aínda non participaches no pasapalabra? A que esperas? E se es profe, non te cortes! Tamén podes participar...

Deposita no buzón a túa folla de respostas antes deste venres. A próxima semana coñeceremos aos gañadores ou gañadoras.

MENÚS DE LECTURA PARA O DÍA DO LIBRO

Atención á oferta lectora do noso alumnado de 4º ESO!

Con este plan de alimentación lectora, desexámosvos un feliz día do libro.

CITA A CEGAS CUN LIBRO

Continuamos coa semana do libro cunha interesante proposta. Pecha os ollos ou elixe unha cor... Anímate a ter una Cita a cegas cun libro.

Feliz día do libro!

A VOLTAS COS CLÁSICOS NA SEMANA DO LIBRO

Hai libros que marcan, que emocionan, que ensinan, libros que non deberías deixar de ler. Pasa pola BiblioAntioquía e dalle unha volta á nosa exposición xiratoria permanente de grandes lecturas que queremos compartir contigo:

AÍNDA NON COÑECES ELBE2?

 Lembramos a toda a comunidade educativa do IES Cidade de Antioquía que contades coa posibilidade de mergullarvos na lectura dixital coa plataforma ELBE2. Clica na seguinte liña e infórmate. 

 COÑECE ELBE2

E se aínda tes dúbidas, pasa nos recreos pola BiblioAntioquía!

II CINECIDADE

Imos de novo co cine! Xa está convocado o II Festival escolar de curtas  "CineCidade". 

Proximamemte actualizaremos a cartelería e a información, pero na páxina deste blog que leva o nome deste concurso atoparás toda a información que precisas: bases, seccións, galardóns,...

UNHA LECTURA INTERESANTE

Que pasaríase aos homes lles tocara vivir a vida dunha muller e a unha muller vivir a vida dun home nunha sociedade coma a nosa? Se tes curiosidade esta é a nosa proposta

E non está de máis dicir que Tais Rego, a tradutora, foi alumna do noso instituto. 

É para nós un enorme orgullo ofrecervos nesta biblioteca o traballo de que aquí se formou.

Quen será o ou a seguinte?

CURIOSA PUBLICIDADE!

Pechamos a semana da prensa coa reflexión do alumnado de Latín e Grego sobre a publicidade, ese sustento básico para todos os medios de comunicación. O que se evidencia con esta exposición é que non son linguas tan mortas como parece.

CHEGA A PRIMAVERA ENTRE VERSOS

Primavera e poesía chegan cada ano da man. Para celebrar este día, o alumnado de 1º e 2º ESO do IES Cidade de Antioquía xogou con versos e formas: poesía visual, versos a dous autores, poesía revelada,... convertíronse nos protagonistas das clases de Lingua Castelá e Literatura nesta xornada.

POETAS DO SÉCULO XXI

Nos últimos tempos a BiblioAntioquía vén incrementando os seus fondos en verso. Aínda que sexa un xénero minoritario, nunca está de máis sacar un oquiño para achegarse á poesía. Por iso, invitámosvos a darvos unha volta pola biblio para ver a exposición de libros de poesía do século XXI, e caeredes na conta de que hai moito de música nos versos.

Feliz día da poesía!

SEGUIMOS COA SEMANA DA PRENSA

Desta vez, a BiblioAntioquía mostra o traballo desenvolvido polo alumnado de Proxecto Competencial de 1º ESO. 

A través dunha caza do tesouro chamada A volta a Europa entre xornais e deseñada pola biblio, o alumnado fixo un metódico traballo de investigación que o levou a responder a gran pregunta. Velaquí a ligazón á actividade e unha montaxe fotográfica do proceso...

 A VOLTA A EUROPA ENTRE XORNAIS (Caza do tesouro)

A PROL DO GALEGO

Dende principio de curso, a sección de Normalización Lingüística e o Departamento de Lingua e Literatura Galega veñen implementando unha campaña de difusión e apoio á lingua galega. Estes son algúns dos nosos valedores co cartel...

O MUNDO DA PRENSA. UNS PODCASTS DIFERENTES

Comeza a semana da prensa no ámbito escolar e dende este blog invitámosvos a que vos acheguedes a diferentes aspectos dos medios de comunicación. Iniciamos o camiño cos podcasts de Filosofía elaborados polo alumnado de 1º Bacharelato de Anaís Fernández.

Podcast de Dani, Sabela e Laura

Podcast Marta, Emma e Chiara.

UN DÍA SIN...

Unha iniciativa máis para o 8 de marzo. Mar, profe de Física e Química, fíxolle ao seu alumnado de 4º ESO unha curiosa pregunta: Como sería un día sin... un invento dunha muller?

As respostas, en formato audiovisual, foron moi interesantes. Pronto compartiremos con vos os vídeos máis divertidos.

8 DE MARZO DE PIONEIRAS

Para visibilizar o papel das mulleres na historia, o alumnado de Susana, profe de Xeografía e Historia, encheu os corredores da primeira planta de imaxes e textos aos que paga a pena prestar uns minutos de atención. Esta é unha pequena mostra dun gran traballo:

Dende a BiblioAntioquía o noso recoñecemento  todas esas pioneiras que abriron camiños.

A TÁBOA PERIÓDICA DAS MULLERES

O grupo de traballo da BiblioAntioquía, integrado por docentes de diferentes materias, organizou unha táboa periódica diferente destinada a visibilizar a labor en diferentes áreas: filósofas, literatas, deportistas, científicas,... compoñen un mural compartido no que participaron case todas a clases do instituto. 

Grazas ao equipo docente pola súa implicación e ao alumnado pola eficiencia no traballo! E por suposto, o noso apoio ás mulleres que día a día contribúen a que o mundo xire doutro xeito. 

CAIXAS MISTERIOSAS

A BiblioAntioquía está a ser nestes últimos dáis o escenario dunha curiosa exposición. Ao abeiro das lecturas obrigatorias de Lingua Castelá e Literatura, o alumnado de 2ª ESO de Angélica Pardo elaborou estas curiosas caixas misteriosas, coas que demostraron que o seu percorrido polas liñas dos libros vai máis aló dunha sucesión de páxinas e da comprensión lectora. Este é só o principio, porque para a terceira avaliación o reto é toda unha aventura.

 

  

DÍA DE ROSALÍA NA BIBLIOANTIOQUÍA

 

Hoxe, no Día de Rosalía, á árbore da BiblioAntioquía  saíronlle follas novas. 

E, de súpeto, volveuse o mellor espazo para facer soar a Rosalía, muller de verso e dor, de amor e sombra, de terra e loita, precursora de tanto e inspiración para tantos.

EL BOSQUE ROJO NO CLUBE DE LECTURA

Nova reunión dos membros máis novos de Ao pe da Letra. Despois da presentación de El bosque rojo pola súa autora, Sabela Álvarez Veloso, realizaron a súa lectura e este luns, 19 de febreiro, tocaba conversar sobre ela cuns doces como perfecto complemento.

UN NOVO ESPAZO PARA O XOGO

A BiblioAntioquía habilitou un novo espazo para o xogo fóra do recinto propio da biblio para favorecer o estudo dos usuarios e usuarias, sobre todo, en tempos de exames. Este novo espazo ubícase na planta principal, no corredor das aulas de informática. Se queres xogar, pasa pola biblio ou pola sala de profes e pide a chave do armario dos xogos. Eso si, non esquezas devolver o que empregues cando remate o recreo.

Agradecémosvos que deixedes as mesas e sillas igual de ordenadas que as atopades.

O FUTURO QUE NOS AGARDA

Celebramos hoxe o Día da Muller e a Nena na Ciencia, unha data para invitar á reflexión. Le e pensa no papel que ti queres desenvolver no futuro que nos agarda.

MUJER Y CIENCIA

QUE VIVA O ENTROIDO!

 O alumnado de 3º ESO C adicou os días previos a Entroido a traballar a información e a imaxe para elaborar uns fantásticos carteis promocionais do Entroido de diferente localidades ourensás que ben poderías atopar en calquera parede, rede social ou local. Fantástico traballo!