Club de Lectura "Ao pé da letra"

CURSO 2022-2023

Volvemos a esta lapela do blog BiblioAntioquía para recopilar a información relacionada co Club de Lectura "Ao pé da Letra". En calquera caso, non deixaremos de incluír na páxina principal os eventos salientables que se produzan ao abeiro deste clube. Engadiremos aquí as ligazóns para facilitar o acceso a detalles.
Durante este curso, "Ao pé da Letra" contará con tres seccións: 1º e 2º ESO, 3º- 4º ESO / 1º BAC e adultos. Ademais, engadimos un par de novidades, como son a colaboración de María Novoa Dopozo, alumna de 1º BAC, que actuará de co-responsable da súa sección do club, e as propostas do alumnado de 2º ESO para as lecturas dos máis novos de "Ao pé da Letra". Polo demais, seguiremos na liña marcada en cursos previos: reunións periódicas no horario de comedor dos luns para compartir xantar, opinións e moito máis. 

Este é un club aberto a novas incorporacións. Estamos aquí e na BiblioAntioquía no momento en que a túa motivación lectora nos precise ou no intre en que te queiras unir a nós.

OUTONO LECTOR
Non agardamos máis! Con outubro chegan as primeiras propostas:



Todo o tempo do mundo de David Pérez Iglesias é unha lectura recurrente no noso club de lectura. Esta foi a obra seleccionada para os novos integrantes, unha novela máis ca recomendada polo alumnado de 2ºESO, que a leu o curso pasado. De forma paralela,  2º ESO lerá La trenza de Laetitia Colombani.

Arrancamos cos máis pequenos. O que non saben é a sorpresa que lles agarda en 2023...



Abrimos o club de 3º- 4º ESO e 1º BAC con Golpes de luz de Ledicia Costas. As Tertulias Literarias de Ourense serán a nosa primeira saída.





Manuel Esteban é o autor protagonista deste curso para os adultos. Comezamos con O meu nome é ninguén.



O QUE NOS PRESTA LER EN INVERNO!
Primeiras reunións de lectura e xantar cos lectores e lectoras do IES Cidade de Antioquía.





Volvemos de Nadal cunha visita programada ao Liceo de Ourense. Despois de ler Golpes de luz toca encontro nas Tertulias de Ourense con Ledicia Costas. Se queres máis información, clica aquí...




Chegan as novas lecturas:

1º E 2º ESO



3º - 4º ESO E 1º BAC




CLUB DE ADULTOS



LER EN PRIMAVERA
Imos chegando ao final, pero as actividades non acaban nos nosos clubes de lectura. Esta semana puxemos rumbo a Celanova para vivir unha experiencia lectora diferente, emocionante e divertida. Aquí está toda a información:

BIBLIOANTIOQUÍA : CELANOVA: PUNTO DE ENCONTRO LECTOR (bibliotecacidadedeantioquia.blogspot.com)



Estas serán as últimas lecturas:

                         3º - 4º ESO / 1º BAC                                               ADULTOS

Os clubes pechan o ano dunha forma especial. Por un lado, o alumnado lector da sección 3º e 4º ESO /1º BAC propuxo un best seller para concluír o curso e o club de adultos prepárase para o roteiro de Olga Novo, que contará coa presenza da autora.


E XA CASE EN VERÁN...
Celebramos as últimas reunións deixando un ano máis as portas abertas.




O club de lectura de adultos pecha o curso cun roteiro da man de Olga Novo. Clica aquí e desfruta dun paseo visual por Vilarmao, pola vida e pola poesía desta autora lucense.
 

FELIZ VERÁN E BOAS LECTURAS!

Aquí deixamos a primeira proposta para 2023-2024.









Curso 2019-2020

Igual que fixemos o ano pasado, as novas dos clubes de lectura expoñerémolas na páxina principal. 
Aquí só faremos algunha reseña puntual sobre os libros e actividades que se programaron para este curso.
Continuamos cos dos clubes de anos anteriores e, ademais, estamos agardando que nos inclúan no clube de letras proposto pola Consellería.
Ata o momento, o clube de lectura de persoas adultas xa se reuniu para planificar o ano:
  • O club xa ten nome, Arroz con cháchara.
  • A primeira lectura será El informe de Brodeck, de Philippe Claudel

INFORME DE BRODECK, EL (Letras de Bolsillo)

  • A segunda será Feliz idade de Olga Novo
Seguiremos a informar!



CURSO 2018-2019

Durante este curso, decidimos incluír as entradas referidas ós clubes de lectura na páxina principal, por lle dar máis visibilidade. Aquí imos facer un resumo do que levamos feito  este ano:
O alumnado leu e reuniuse para falar de:
  • 1ºESO: Todo o tempo do mundo de David Pérez Iglesias; O que sei do silencio, de Andrea Maceiras; 22 segundos de Eva Mejuto
  • 2º ESO, Club de poesía: de Carlos Negro, Penúltimas tendencias, Aplicación instantánea, Makinaria
  • 3º, 4º e 1º de Bach. Tertulias en Ourense, Mejor la ausencia de Edurne Portela, Deixe a súa mensaxe despois do sinal de Arantxa Portabales,
O clube de lectura do profesorado, en común cos veciños do IES  Lagoa de Antela leu:
  • La Uruguaya de Pedro Mairal
  • O ano da lebre, de Arto Paasilinna
  • O caderno de erros de Cándido Paniagua.
  • La ley del menor de Ian Mcewan.








EL DESORDEN QUE DEJAS
27/04/20017


O xoves 27 de abril o alumnado do club coñeceu en Ourense ao autor de El desorden que dejas, Carlos Montero e foi o gañador do XX Premio de Primavera de novela 2016. 


el desorden que dejas (premio primavera de novela 2016)-carlos montero-9788467047264Y tú, ¿cuánto vas a tardar en matarte? é a inquietante pregunta que atopa escrita nun papel dentro do seu bolso a protagonista deste triler psicolóxico no seu primeiro día de traballo. A partir de aí, inicia a súa busca de respostas, o que se acabará convertindo nunha obsesión. Interesante, como se puxo de manifesto na reunión no Liceo de Ourense de alumnado que leu o libro.

O alumnado do nos club de lectura ompartiu mesa, mantel e tertulia co alumnado de Allariz, Maceda, Ribadavia e a nosa veciñanza do IES. Lagoa de Antela. 
Finalmente unímonos ao alumnado de Ourense en tertulia co autor.




XUNTANZA CON MARÍA SOLAR EN OURENSE


O alumnado que participa no clube de lectura viaxou a Ourense para participar na tertulia literaria organizada polo concello de Ourense coa autora de As horas roubadas, María Solar. 
Tamén asistiron os clubes de lectura do IES Lagoa de Antela, San Mamede, o Ribeiro e Allariz. 

A autora respondeu ás dúbidas e inquedanzas que a lectura espertou nos lectores e lectoras. 
No coloquio o tema que máis debate ofreceu foi o da violencia de xénero, as súas causas e posibles solucións, os valores que deberían fomentarse, a liberdade etc.






CLUB DE
LECTURA DE PROFES


a ferida do vento-anton riveiro coello-9788498657357

O venres, día 10 de marzo, achegouse a Xinzo Antón Riveio Coello, autor do libro A ferida do vento, última lectura do clube de lectura de profes do IES Cidade de Antioquía e Lagoa de Antela.
Ademais, un grupo de alumnas de 2º de bacharelato uniuse ó clube e participou intensamente no coloquio sobre a obra, ambientada en Xinzo.

O acto tivo lugar no Museo do Entroido de Xinzo. Aproveitamos  para recomendar encarecidamente a súa visita e, por suposto, agradecerlle a súa acollida.







.











PRIMEIRA ACTIVIDADE CURSO 2016-2017

O alumnado do clube de lectura do noso centro participou nunha xuntanza con outros clubes -Allariz, Viana do Bolo e Maceda-, e a autora do libro que leron no trimestre anterior: Inma López Silva, Aqueles días en que eramos malas. 
Tamén se achegaron ata Radio Allariz onde lles fixeron unha entrevista.
Aquí podedes ver fotos das dúas actividades:
















PREPARANDO A NOVA SAÍDA DO CLUB AO PÉ DA LETRA...

Para ir facendo boca algunha imaxe da actividade anterior





1 comentario: