Que tarde de luns tan fantástica tivemos en 1.º ESO o 28 de marzo!!! A poeta María Lado chegou cargadiña de flores silvestres para mergullarnos no mundo da poesía. Pero, ademais, María soubo conectar a poesía co coidado do medio ambiente, para facernos conscientes de que este noso Planeta necesita da nosa axuda. As flores silvestres coas que nos agasallou foron o punto de partida para xuntar poesía con ecoloxía. CHEGOU A PRIMAVERA AO CIDADE DE ANTIOQUÍA!!!
O luns 28 de marzo o Club de lectura de 1.º ESO tivo o seu segundo xantar-xuntanza para poñer en común a lectura Diferente, de Eloy Moreno. Aínda que desta vez non houbo película, o tempo fíxose curto para reflexionar sobre tantos sentimentos e emocións que espertou en nós esta novela. A todas e a todos nos encantou e cremos que despois de lela somos mellores persoas. Recomendámosvola!!! Está na nosa biblioteca!! Sería unha lectura estupenda para as vacacións de Semana Santa.
O día 23 de marzo o alumnado de 3.º e 4.º ESO tivo a oportunidade de visitar a biblioteca pública de Ourense e tamén o Arquivo histórico.
Esta visita estivo organizada pola Departamento de Lingua castelá e Literatura e a súa planificación enmárcase dentro das actividades de Bibliocidade.
O noso alumnado quedou marabillado pola amplitude, deseño, fondos e dinamización da biblioteca nodal de Ourense. O certo é que Rosa, a súa directora, nos fixo un percorrido moi interesante polos diferentes espazos. É un luxo contar cunha biblioteca así. Estamos convencidos de que ao noso alumnado lle quedaron moitas ganas de regresar a ela para aproveitala a fondo.
Despois desta visita, achegámonos ao Arquivo histórico. Alí agardábannos para facer unha visita guiada polo espectacular edificio que o alberga, para pasar despois a un obradoiro de escritura medieval. Velaquí tendes as fotos nas que estamos traballando ao estilo dos monxes nun scriptorium medieval!!
Por fin chegou o día das Tertulias organizadas polo Concello de Ourense!! E nelas participaron cinco alumnas de 3.º ESO: Noa, Marta, Chiara, Eva e Sabela. O libro escollido nesta ocasión foi a novela de David Trueba El río baja sucio. O certo é que o libro deu moito xogo, tanto na preparación da tertulia como na posta en común que fixemos no Liceo de Ourense a tarde do 24 de marzo.
Xunto co alumnado do IES Lagoa de Antela, Divino Maestro e os IES 12 de Outubro e O Couto, discutimos sobre Martín e Tomás, os personaxes principais da historia, pero tamén conversamos sobre os modelos de familia, a relación entre irmáns e entre fillos e pais/nais, sobre a corrupción e tamén sobre ecoloxía. A hora e media que tiñamos marcada como tempo límite fíxose curta!!
Nas fotos poderedes observar o ben que o pasamos e o moito que gozamos preparando a nosa intervención na tertulia.
Mil grazas as alumnas que participaron. Foi unha experiencia xenial!!
Groliños de versos é a actividade que eleximos este ano para celebrar o Día da Poesía. O alumnado de 1º e 2º ESO decorou vasos de cartón e encheunos dun contido moi especial: poesía.
A idea é pasar polo expositor, botar unha ollada e ler. Se alguén quere levar un vaso ou un poema, pode facelo, sempre que deixe no seu lugar outro vaso ou outro poema.
Atréveste a encher un vaso cos teus propios versos?
.jpg)
Se entras no Cidade de Antioquía hoxe 8 de marzo, atoparás xusto na entrada unha homenaxe ás nosas avoas e un montón de obras con nome de muller ou sobre a muller. Pero non o esquezamos: 8 de marzo deben ser todos os días, porque a loita ha de ser diaria, constante, persistente.
Para homenaxear ás nosas mulleres escritoras e ás nosas lectoras, desde a biblioteca fixemos este vídeo. Agardamos que vos guste. E lembra: "Xuntas, somos imparables".
Este 8 de marzo, no IES Cidade de Antioquía quixemos rendir tributo ás mulleres máis especiais que coñecemos: as avoas. Polo cariño, polos bicos e brazos, polos coidados, polos aloumiños, por tantas cousas que nos dades cada día, este ano vós sodes as protagonistas.
Acompañamos o manequín e a árbore das avoas cunha exposición de fondos.
.jpg)
.jpg)
