E O CLUB DE LECTURA 2021-2022 CHEGOU AO SEU FINAL...

 Que lástima tan grande ter que rematar o club de lectura... Este luns a mediodía tivemos a última xuntanza na que o alumnado de 4.º de ESO e o alumnado de 1.º ESO puxeron en común as dúas últimas lecturas que foron estas.

Tras o xantar fixemos a tertulia que rematou cunha sorpresa: un agasallo de lectura para o verán, agardando que algún ou algunha de vós a propoña como lectura de club para o próximo curso. E se aínda temos tempo, o último día de clase visionaremos un documental sobre A Cidade dos Muchachos de Ourense, na que se inspira o libro de Alberto Canal, O trapecista da malla de rombos.

FELICES LECTURAS DE VERÁN!! AGARDO QUE VOS GUSTEN!!!

Semana de acción e reflexión en Biblioantioquía

Pura poesía houbo no club de lectura de 2 Eso. Nesta xuntanza lemos poemas de Carlos Negro e moito máis.... Escoitamos versións músicadas, recitamos e, sobre todo, pensamos e expresámonos.

O alumnado poético de 2º de ESO 

 O alumnado que participará no concurso de curtas recibiu formación específica. Na segunda sesión darémoslle voltas ás nosas ideas para dar un paso máis na creación. Motor e.... Acción!!!!!

Preparándonos para facer unha curtametraxe

Clubes de lectura

 Este ano as tertulias literarias reunirán a alumnado de quince centros educativos da provincia. As lecturas seleccionadas son O meu nome é ninguén de Manuel Esteban e Mala herba de Manuel Jabois.

No Cidade de Antioquía xa están a preparar as xuntanzas.

E, por outra banda, o clube de lectura de persoas adultas está a disfrutar coa Feliz idade de Olga Novo.

El informe de Brodeck

O próximo martes, 10 de decembro, teremos a primeira reunión do club de lectura de persoas adultas. Inquietante libro de Philippe Claudel que non deixa indiferente a ninguén. Os horrores da guerra, a condición humana, a esperanza no medio da maldade..., son algúns dos motivos que nos quedan no sentido despois da lectura.
 Agardamos as vosas opinións aquí mesmo, como comentarios, e, por suposto, no Arroz con cháchara do martes.

OBRADOIRO CON CARLOS NEGRO

O alumnado do Clube de Lectura de poesía de 2º de ESO participou nesta estupenda actividade que consistiu en compoñer e recitar poemas.
Que capacidade de creación! Tentaremos publicar aquí algunhas das súas poesías.

Club de lectura

A semana pasada, tivemos a gran reunión dos clubes de lectura en Ourense, con Edurne Portela, autora do libro Mejor la ausencia, que lemos no presente trimestre. Agardamos as achegas das persoas participantes! 

El desorden que dejas

O xoves 27 de abril o alumnado do club coñeceu en Ourense ao autor de El desorden que dejas, Carlos Montero e foi o gañador do XX Premio de Primavera de novela 2016. 


Y tú, ¿cuánto vas a tardar en matarte? é a inquietante pregunta que atopa escrita nun papel dentro do seu bolso a protagonista deste triler psicolóxico no seu primeiro día de traballo. A partir de aí, inicia a súa busca de respostas, o que se acabará convertindo nunha obsesión. Interesante, como se puxo de manifesto na reunión no Liceo de Ourense de alumnado que leu o libro.

O alumnado do nos club de lectura ompartiu mesa, mantel e tertulia co alumnado de Allariz, Maceda, Ribadavia e a nosa veciñanza do IES. Lagoa de Antela. 

Finalmente unímonos ao alumnado de Ourense en tertulia co autor.

Clube de lectura

 O venres, día 10 de marzo, achegouse a Xinzo Antón Riveio Coello, autor do libro A ferida do vento, última lectura do clube de lectura de profes do IES Cidade de Antioquía e Lagoa de Antela.
Ademais, un grupo de alumnas de 2º de bacharelato uniuse ó clube e participou intensamente no coloquio sobre a obra, ambientada en Xinzo.

O acto tivo lugar no Museo do Entroido de Xinzo. Aproveitamos  para recomendar encarecidamente a súa visita e, por suposto, agradecerlle a súa acollida.

Tertulia con Manuel Núñez Síngala

O próximo xoves o alumnado do Club de Lectura terá unha tertulia en Allariz co autor Manuel Núñez Síngala entorno ao libro "Instruccións para tomar café".

Encontro do club de lectura con Fran Alonso

O alumnado do Club de Lectura continúa coa súa actividade...

Os máis novos do noso Club tiveron oportunidade de manter un encontro con Fran Alonso entorno aos seus libros no I.E.S. Lagoa de Antela.

Podedes disfrutar deste libro na nosa biblioteca onde tamén temos un exemplar asinado para os nosos lectores e lectoras...

O alumnado de 1º ESO traballou a poesía contida en Cidades

 E moi ben o pasaron co autor...

As mozas e mozos do Club de lectura “Ao pé da letra” de 2º ESO compartiron a lectura e a reflexión sobre Cartas de Amor

Actividade do club de lectura

Primeira saída do Club de Lectura: Encontro con Francisco Castro en Allariz

O alumnado do club de lectura participou na IV Tertulia literaria de Allariz.

Nesta actividade que chega xa á sua cuarta edición compartir co alumnado do IES Lagoa de Antela e dos centros de Allariz, Maceda e Bande as súas impresións sobre a obra de Francisco Castro, Tes ata as dez.

Contamos coa presenza do autor e con el compartimos tertulia persoal e radiofónica a través das ondas de Radio Allariz.

Neste enlace podes ver ó autor falando da obra "Tes ata as dez"

Actividade organizada polos clubs de Xinzo (Lagoa de Antela e Cidade de Antioquía), Maceda, Allariz e Bande. 

TERTULIA LITERARIA EN OURENSE

SAÍDA

CLUB DE LECTURA

El lector de Julio Verne, Almudena Grandes

Aquí podedes visitar unha presentación do libro moi especial. Alcalá la Real, Jaén

http://www.youtube.com/watch?v=HNsS0PUYXdw

 

Dentro das nosas saídas participamos nas tertulias literarias no Liceo de Ourense.

 

Depois tivemos a sorte de coñecer a un estupendo artista e de que nos guiara pola súa exposición no Museo Municipal.

Aquí temos a obra que creou para nós acompañado da música de Daniel...

Os máis novos do Club de Lectura

VISITA DE

RAMÓN CARREDANO

AUTOR DE

Unha branca de cobre para Martiño

 

Este ano, a entrada dos máis novos no club de lectura produciuse coa obra Unha branca de cobre para Martiño.

Tivemos a sorte de coñecer ao autor e preguntarlle as nosas dúbidas.

 Ao final da charla asinounos os libros e deixounos un especialmente adicado para o centro.

CLUB DE LECTURA

ESTE XOVES PRIMEIRO ENCONTRO DO CLUB DE LECTURA

ESTAREMOS EN OURENSE CON MANUEL PORTAS E ESTA NOVELA