Entramos no insti e atopamos as cabazas decoradas: cal é a que máis vos gusta? A que máis medo dá? A máis orixinal? Pero, agardade para votar, aínda están chegando.
1º de ESO A, coa súa titora Rosa, xa ten a clase terrorífica. Mirade:
Ademais, parece que xa empezaron a ler cousas de medo:
Así que BIBLIOANTIOQUÍA non vai ser menos: estamos a preparar lecturas, decoración, bromas pesadas... Todo para que o venres berredes coma nunca!
Unha das que máis me gusta é a que puxestes, Blowin in the wind . Así que escollo outra, Master of war:
É unha cancion denuncia das guerras e dos que as potencian para así facer prosperar os negocios das armas, mandando a loitar dende os seus cómodos despachos.
A poesía naceu acompañada de música, pero levamos tempo afeitas a rodeala de silencio e agochala nas frías páxinas dos libros.
Bob Dylan escribe poesía para saborear tamén cos oídos. Un gustazo que se lle recoñeza co premio literario máis prestixioso.
Di que este poema o escribiu en 10 minutos. Quizais si e quizais non. Hai xente á que lle sae sen querer, outra ten que traballala máis.
Escoitade este "Blowin'in the wind, saboreade ese son "da resposta flotando no vento" e practicade de paso o voso inglés.
Para rematar, recuperamos o xogo dos retos. Trátase de dicir cal é o tema de Dylan que máis vos gusta e de que fala.
Para empezar, pásolle a vez a......
