ESCAPE ROOM DAS MULLERES CIENTÍFICAS

Co gallo da celebración do día Internacional da Muller e da Nena na Ciencia o 11 de febreiro, parte do alumnado do IES Cidade de Antioquía realizou unha Escape Room. Para poder escapar desta, había que resolver diferentes probas e recoñecer así o seu importante labor e contribución á humanidade ás mulleres científicas.

Os participantes repasaron a biografía de mulleres como Hipatia de Alejandría, Ada Lovelace, Marie Curie e de científicas galegas como Ángeles Alvariño, Antonia Ferrín ou María Wonenburger, grazas ás que se lograron importantes descubrimentos no mundo da ciencia e da tecnoloxía.

Agora que xa as quendas remataron, xa podedes buscarvos nas imaxes!

 

23/02/2023: DÍA DE ROSALÍA

Foi un 23 de febreiro. Eran catro da mañá. Unha das figuras máis ilustres das letras galegas viña ao mundo: eterna Rosalía!

No IES Cidade de Antioquía celebramos esta data con diferentes actividades, algunhas delas conxuntas co IES Lagoa de Antela. Un poema, varias linguas e dialectos, e moitas voces para lembrar a Rosalía.

Por aquí deixamos algunhas mostras do traballo realizado.

ROSALÍA EN PICTOGRAMAS (Organizado polo Departamento de Orientación do IES Cidade de Antioquía).

ROSALÍA NA LIMIA (Man a man do noso Departamento de Galego e do noso EDLG co IES Lagoa de Antela).

ACHÉGATE A ELBE2

 Cada vez somos máis os usuarios e as usuarias da BiblioAntioquía quen coñecemos ELBE2. E ti? A que estás esperando?

Infórmate aquí:

https://bibliotecacidadedeantioquia.blogspot.com/2022/09/elbe2.html

https://bibliotecacidadedeantioquia.blogspot.com/2022/09/como-ler-con-elbe.html

XA ESTÁ AQUÍ O ENTROIDO

 Culminamos a semana coa asistencia do noso alumnado ao desfile infantil organizado polo Concello de Xinzo de Limia. Este será o cartel que encabezará ao grupo:

Parabéns a Miguel Buitrago e ao seu alumnado de EPVA por este excelente traballo.

MERCADIÑO DE ENTROIDO CON ACENTO FRANCÉS

 Volve o alumnado de Francés cun novo mercadiño de segunda man. Esta vez, coa temática do Entroido. Faiche falta un disfraz, unha perruca, un instrumento musical,…?

O MANEQUÍN SEGUE OS MANDAMENTOS DA MECA IV: XOVES NA HIGH SCHOOL

Hai readings que nos deixan de ice, para good e para bad; por iso, a pet do Clube de Lectura da High School "CIty of Antioquia" é un penguin...

O MANEQUÍN SEGUE OS MANDAMENTOS DA MECA III: MÉRCORES REAL.

 Máis aló de Felipe e Letizia; de Melchor, Gaspar e Baltasar, hai alguén que reinou no corazón de moita xente. Traémola ao recordo cun toque de humor...

LA SAINT VALENTIN

As escaleiras que conducen ao segundo andar enchéronse de amor gracias ao alumnado de Francés. Desta vez, os que estudan a lingua do amor convertíronse nos artistas do IES.

O MANEQUÍN SEGUE OS MANDAMENTOS DA MECA II: MARTES DE CIENCIA

 TTodos o sabiamos, pero como era muller non aparecía nos libros. Ela é a primeira científica galega. Alquimista, por certo...

O MANEQUÍN SEGUE OS MANDAMENTOS DA MECA I: LUNS DE TERROR.

 Aquí tedes á presidenta do comité de benvida da biblioteca. Oíches falar da "Nena dos corredores"?

Velaquí está!

30 MINUTOS E UN RETO

Mañá, sábado 11 de febreriro conmemórase o Día da Nena e da Muller na Ciencia. Na BiblioCidade faremos desta unha celebración longa que chegará a marzo. 

Ana e Celsa, as profes de Mates do equipo da biblioteca, organizaron unha escape room sobre as mulleres científicas. Deixámosvos unhas cantas imaxes do reto. 

Ao remate da actividade, máis imaxes, de momento non queremos revelar nada. 

OS CLÁSICOS DAN XOGO

 Que mellor que xogar cos libros pop up do mundo clásico nesta data tan especial. Moito máis ca libros…

9 de febreiro de 2023. 11:15 na BiblioAntioquía.

Feliz Día internacional da Lingua Grega.

DÍA DA LINGUA GREGA

 O 9 de febreiro é o Día Internacional da Lingua Grega. Asómate á entrada da BiblioAntioquía para descubrir a maxia das grafía gregas e dunha lingua de cultura que tamén deixou pegada en nós.

 

Grazas a Óscar, profe de Latín e Grego, que sempre se encarga de lembrarnos con estas exposición onde temos as raíces.

ENTRE CORREDOIRO E ENTROIDO

 Entre Corredoiro e Entroido,

a meca manda no IES.

Serás quen de atinar

coas prendas que che pide?

EN FEBREIRO TAMÉN TEMOS CITA COS CLÁSICOS

 

CORREO POR SAN VALENTÍN

Este 14 de febreiro será moito máis ca o día dos namorados no IES Cidade de Antioquía.

Que mellor data para agradecer a compañía, os bos recordos, a amizade, o apoio, os intres inesquecibles,,... !

Desde a BiblioCidade invitámoste a aparcar o móbil e a recuperar papel e boli. Deposita as túas cartas no noso buzón e encargarémonos de que cheguen ao seu destino. Lembra indicar con claridade no exterior o nome, apelidos e curso da persoa destinataria.

E non esquezas encargar os toxos e os bombóns aos teus compañeiros e compañeiras de Portugués!