martes, 15 de outubro de 2019

CHEGA O SAMAÍN!!!

Chegaron as choivas, o outono, as castañas... E no IES Cidade xa nos estamos preparando para o Samaín. A biblioteca será un lugar terrorífico no que pasarás momentos de auténtico terror!!!!
Para abrir boca, xa está convocado o mítico concurso de microrrelatos de terror. Propoñemos que o fagades en calquera lingua e que os ilustredes para que dean moito moito medo!!! Haberá premios para a diferentes modalidades. Mil grazas a todos os Departamentos de linguas que estades colaborando nesta iniciativa.

Todo o mundo a participar!!!!!


luns, 7 de outubro de 2019

Agardando dous premios Nobel de literatura

O próximo xoves, 10 de outubro saberemos os nomes das persoas gañadoras do Nobel de 2018 e 2019.
Entre as favoritas, tres mulleres: Anne Carson, Maryse Condé e Can Xue.
Velaí algunhas das súas obras

Sen tradución en linguas ibéricas
Eros. Poética Del DeseoCorazón que ríe, corazón que llora: Cuentos verdaderos de mi infancia (Impedimenta)



Será algunha delas premiada?

martes, 1 de outubro de 2019

CURSO NOVO... LECTURAS NOVAS!!!!

Se nos visitas, verás que o andel de novidades está ben completiño!!!  Fíxate ben en que A Terra de Anna e Esto lo cambia todo son dúas obras centradas no tema da emerxencia climática. Tamén temos poesía, Feliz Idade, e novelas que apelan ás emocións como Wolfgang (para segundo ciclo de ESO) ou Mala herba (para Bacharelato). Pero non falta a filosofía como La Filosofía explicada a mi hija, nin a Ciencia como Historia do ADN ou O Universo matemático.
TODAS AGARDAN POR TI EN BIBLIOANTIOQUÍA!!


luns, 23 de setembro de 2019

Abrimos as portas dun novo curso!

Moitas ilusións, moitos proxectos nos agardan!
Continuamos cos camiños abertos anos anteriores: clubes de lectura, compra de novidades e exposición fóra do recinto da biblio, colaboracións cos departamentos e proxectos que se desenvolven no centro... Pero, ademais, temos dúas novas propostas: o Club de letras e a Radio na biblio.
Que vos parece? Arrancamos?

Aprendizaxe

Porque na beleza da terra escriben con tinta
os vosos corazóns

eu aprendo.


Porque preguntades a dúbida eterna e non sei contestala
aprendo.

Porque sorrides mesmo con sono e cansazo
aprendo e a pomba póusase
timidadmente enriba do coñecemento
e un bolígrafo Bic devén un piar sagrado.

Con que dozura incrible pronunciades mal o erre
e eu vou ao voso padal corrixir o evanxeo fonético
sen crer en deus pereo crendo en vós.

Porque nos laboratorios aínda se fabrica esperanza
Porque saio chisnada do xiz da pureza
Porque fago a transfusión do saber das miñas ás vosas veas
e escoitades o nome de Safo e de Rosalía por vez primeira
coma se puxésedes os pés na Lúa
e de feito poñédelos.........


Olga Novo, Feliz idade                                                            



Verdade que queredes continuar lendo?

Velaí o tedes


.

luns, 1 de xullo de 2019

AS NOSAS LECTURAS DE CLUBE

Xa rematou o curso e podemos dicir que os nosos clubes de lectura funcionaron de marabilla. Foron moitas as lecturas e moitos os momentos compartidos de diálogo, contraste de opinións e creación literaria.
As lecturas que nos ocuparon este curso foron:


CLUBE DE LECTURA DE 1.º ESO





CLUBE DE LECTURA DE 2º. ESO

 EMPAPÁMONOS DE POESÍA




CLUBE DE LECTURA DE SEGUNDO CICLO DE ESO E 1.º DE BACHARELATO



CLUBE DE LECTURA DE PROFESORADO






DESEXÁMOSVOS UN VERÁN DE NOVELA!!! 

sábado, 22 de xuño de 2019

martes, 4 de xuño de 2019

Xornalistas en Telemiño

Xa podedes ver a participación do IES Cidade de Antioquía na televisión! Parabéns! 
Cámara, acción!



 



 

luns, 3 de xuño de 2019

VI Certame de Debuxo, conto e relato, Falando de solidariedade

Un ano máis o CEIP P.Crespo de Xunqueira de Ambía, organizou este concurso no que o IES Cidade de Antioquía sempre ten representantes.





















Dous dos relatos presentados polo IES Cidade de Antioquía foron premiados: Blanco e negro, de Sara Conde Márquez e Un caravel no peito, de Bárbara Feijoo Canto.


Sara Conde Márquez e Bárbara Feijoo Canto foron dúas das premiadas
Parabéns! Agardamos publicar os relatos premiados.
María Moreno, profesora en prácticas, foi quen leu un dos relatos. En breve, publicaremos este momento máxico.
Podedes ler aquí a noticia na prensa.

xoves, 30 de maio de 2019

MOITA VIDA NA NOSA BIBLIOTECA

Cantas cousas aconteceron en Biblioantioquía nas últimas semanas. Houbo obradoiros de poesía con Carlos Negro, de expresión artística co colectivo Matrioska, de radio co alumnado de Agraria e Forestais ou de creación literaria coa nosa querida alumna de prácticas María Moreno. Enchemos o ambiente de creatividade e de ilusión, así que imos rematando o curso coa mochila ben cheíña de sentimentos positivos.
Temos a sensación de que este curso abrimos moitos camiños que seguiremos pisando, con calma e con goce, á volta das vacacións.






venres, 10 de maio de 2019

UNHA SEMANA CARGADA DE EMOCIÓNS

A semana do 30 de abril ao 3 de maio estivo cargadiña de actividade. Levabamos varios días preparando a nosa participación no Xornal escolar de Telemiño e por fin o xoves 2 de maio fíxose realidade. Guiados por Conchi, a xornalista que dirixe o programa, fixemos o noso propio espazo televisivo. Uns encargáronse da mesa de debate (para a cal tiñamos todo ben preparado), outras deron as noticias no telexornal como verdadeiras profesionais e por último outros fixemos de técnicos de cámara e rexidores. Menuda experiencia!!! Canto nos divertimos e canto aprendemos tamén!! Agora estamos á espera de vernos en acción o sábado 11 ás dúas da tarde en Telemiño. Non o perdades!!!!







domingo, 5 de maio de 2019

OBRADOIRO CON CARLOS NEGRO

O alumnado do Clube de Lectura de poesía de 2º de ESO participou nesta estupenda actividade que consistiu en compoñer e recitar poemas.
Que capacidade de creación! Tentaremos publicar aquí algunhas das súas poesías.



luns, 8 de abril de 2019

Estamos en obras. Estamos en obradoiros

Queremos crear espazos axeitados á diversidade.

Tinguimos de cor a esquina máis luminosa da biblioteca, para recibir os libros máis diversos, solidarios e libres.






E a estrea foi de luxo: Obradoiro de ilustración a cargo dos nosos veciños artistas de ESPACIO MATRIOSKA para alumnado participante no proxecto de excelencia do noso instituto. 


FELI ALOGO, unha historia real de loita contra as dificultades

O pasado 29 de marzo, seguindo coa nosa teima sobre a igualdade que  


XA SE ESCAPA POLAS 

FIESTRAS DE 



BIBLIOANTIOQUÍA 

ACOMPAÑOUNOS  Feli  Alongo presentada por Delfín Caseiro. Esta muller guineana contounos a súa historia de superación das dificultades. 
Con catro anos perdeu a vista, pero nin iso nin os impedimentos que, no seu país, se lle puñan ás mulleres que querían saltar barreiras e saír do reducto de traballo e maternidade ó que se vían destinadas, puideron con ela. Estudiou dereito, fala perfecto galego, escribe e conta a súa experiencia e o seu proxecto vital, que se pode resumir con estas palabras: 

 "Hai que ser capitalistas cos pensamentos, e sacar estratexias para resolver os problemas".


 Unha lección de vida que recollía o xornal La Región.


luns, 1 de abril de 2019

Poesía, poesía!

A poesía saíu da Biblioteca para tentar a quen entra pola porta do Cidade de Antioquía!

Atrévete a probala!


luns, 18 de marzo de 2019

8 de marzo. Mulleres, mulleres, mulleres....

Exposición de traballos realizados polo alumnado e profesorado para o día da muller. Éxito de participación!





 



luns, 11 de marzo de 2019

Club de lectura

A semana pasada, tivemos a gran reunión dos clubes de lectura en Ourense, con Edurne Portela, autora do libro Mejor la ausencia, que lemos no presente trimestre. Agardamos as achegas das persoas participantes! 

luns, 18 de febreiro de 2019

Metémonos na súa pel


 Abrí el viejo baúl de los recuerdos arrinconado en el desván, y entre polvo, escondida bajo un montón de fotos y cartas, pude vislumbrar a la pequña yo de hace unos años.
El cuerpo lleno de cicatrices que nunca se borrarían, un largo pelo cubierto de mugre y dolor, unos ojos grandes y verdes ahora sin brillo y vacíos de ilusión, y una coraza de puntiagudos alambres alrededor del cuerpo que comprimen el pecho.
Al fin y al cabo, esa muñeca y yo nos parecíamos bastante.

María Rosa Fernández  e Claudia Olmos.


Diana Pérez






As miñas mans comezan a quecer. Pouco a pouco sinto como o meu corazón volve latexar a ritmo constante. Agólpanse na miña cabeza as imaxes da nosa travesía, dóeme o bandullo coma se cun ferro me atravesasen.
Co paso dos días esquezo quen era, de onde son, e o retrato da miña pequena comeza a esvaecer. Todos os días, ao amencer, recito o mesmo xuramento:  son Kala, costureira no meu pobo natal, e perdín os meus ollos, Raissa, na negrura do mar.
Lembro os días felices, e semellan non volver xamais. Soa, quezo diante do lume improvisado, mentres percibo o cheiro a perigo.
Catro pés achéganse con garbo. Xa nada inporta, a vida sen o meu ben non garda sentido.


Bárbara Feijoo