Este 23 de febreiro, o Departamento de Orientación encargouse de decorar diversos recunchos do noso IES con versos de Rosalía. Fantástico traballo!
Aínda que somos coñecedoras de que o Día de San Valentín ten un fin eminentemente comercial, non puidemos resistirnos na materia de Oratoria a facer uns videopoemas moi amorosos. Partimos do poema de José Ángel Buesa "Canción de Despedida" e o resultado foi fantástico. Aquí volos deixamos.
VIDEO POEMA 1
.jpg)
Segue os mandamentos da meca. Ánimo e disfraz!
Aproxímanse datas importantes na Limia, e dende a BiblioCidade queremos colaborar coa Vicedirección do centro para que este ano, unha vez máis, o Entroido sexa moito máis ca unha festa, porque aquí, o Entroido é un sentimento.
A nosa biblioteca "embarcouse" no Contrato-Programa centrado na Axenda 2030 e os seus obxectivos de desenvolvemento sostible. Como contribución a este traballo conxunto, quixemos facer unha exposición de libros centrados na temática medioambiental para espertar así o interese do noso alumnado.
Coa fin de facer visible esta exposición e en liña co proxecto Mulleres (in)visibles, recreamos co noso maniquí a Greta Thunberg, unha das caras máis visibles da loita contra crise climática.
Por fin chegou o día!! O pasado luns pola tarde o clube de lectura de 1.º de ESO tivo a súa primeira reunión para falar da novela de David Pérez Iglesias Todo o tempo do mundo. A obra deu moito xogo porque nos permitiu falar do apego aos avós, da influencia das novas tecnoloxías nas nosas vidas e da corrupción en materia medioambiental.
Como colofón a esta lectura, vimos a película El manzano azul, na que pensamos que se inspira a novela. Ou se non é así... moita casualidade sería.
En definitiva, foron tres horas cargadiñas de emocións que nos deixaron moi bo sabor de boca para preparar a seguinte lectura, que será Diferente, de Eloy Moreno.
