REINTERPRETANDO A LITERATURA

Libros retitulados, cartaces teatrais e unhas grandes doses de creatividade para esta semana tan importante que lles adicamos ás letras.

SHAKESPEARE VERSUS CERVANTES

A historia deste día remóntase a principios do século XX. 

En 1926, o rei Afonso XIII firmou un Real Decreto polo que se establecía o día 7 de outubro coma data para a conmemoración do día do libro, O motivo? Era o día que nacera Cervantes. Porén, a festividade durou uns catroanos, pois todo o que rodea a Cervantes móvese entre interrogantes, dúbidas e polémicas, e a súa data de nacemento no ía ser menos. Estes feitos unido a que a conmemoración era ao aire libre, prestábase máis a primavera que o outono. Así foi como en 1930, trasladouse a celebración ao 23 de abril de forma definitiva. Tamén había motivo para esta data: o pasamento (máis ben, enterro) de Cervantes.

Xa en 1995, o goberno español propuxo converter esta data en internacional, aprobándose ese mesmo ano. Argumentos non faltaron: coincidía aí tamén o pasamento de Shakespeare e do Inca Garcilaso de la Vega.

Anos máis tarde, a UNESCO estableceu que cada ano se elixiría unha cidade como Capital do Mundo. A Madrid tocoulle en 2001; a Río de Janeiro, en 2025; e en 2026 tocaralle a Rabat.

E que mellor ocasión ca esta para investigar sobre dous grandes autores:

UNHA NOVIDADE E UN CLÁSICO

Hoxe, 23 de abril, a BiblioAntioquía está de festa! O libro é o protagonista. Este ano, contamos cunha novidade: unha pequena exposición de libros que forman parte dos nosos fondos e que, nalgún momento da historia e nalgún lugar do mundo, foron prohibidos: 

Enunha data coma esta non pode faltar un clásico: o pasapalabra do día do libro. Ata o 30 de abril, todos e cada un dos que formades parte da comunidade educativa do noso IES podedes depositar a vosa tarxeta de participación no bozón.

DÍA INTERNACIONAL DO ARTE

Nun curso non que nos propuxemos unir a biblioteca con outras manifestacións artísticas, non podían faltar as artes plásticas. E se engadimos que un dos eixos da biblioteca é reivindicar a igualdade, aproveitamos este 15 de abril; Día internacional do Arte, para resaltar as figuras femininas que moitas veces son esquecidas pola historia.

PRIMAVERA EN VERSO

 Chegamos á primavera mergullados en versos, entre páxinas que falan de nova formas, de novas voces para o século XXI.

Feliz Día da poesía!

MULLERES EXEMPLARES

 

Pasa pola bilio e le máis sobre elas!

AS MULLERES DO NOSO CENTRO

Nos últimos cursos, os 8 de marzo nos centros educativos veñen acompañados de folgas de alumnado que deixan os centros baixo mínimos, polo que as actividades que se organizan teñen público limitado. Aínda así, non podiamos faltar nesta data a unha homenaxe ás mulleres. desta vez, centrámonos nas mulleres do noso día a día, nas profes, e aproveitamos para facer unha mesa redonda nas que algunhas delas nos contaron as súas experiencias no mundo laboral.

As protagonistas foron Tania González, que aparte de dar clases particulares e traballar nalgunha academia, foi maquilladora dunha coñecida firma; tamén interviu Ana Belén Figueira, que recentemente se graduou en Educación Social, foi au-pair en Alemaña, opositou á unión europea en londres e traballou nunha pizarreira e como axudante de mago durante tres intensos días, percorrendo os pobos da Castela vaciada en furgoneta; Celsa Gómez contounos a súa aventura coma monitora de campamentos ou os seus vínculos matemáticos coa universidade; Eva Calvero falounos da súa labor como animadora deportiva e do seu vínculo continuo co deporte, conciliando unha numerosísima familia, estudos, oposicións e demais obligacións cotiás; e Susanne foi a que nos sorprendeu coa súa ampla experiencia laboral: traballou en París en Le Fígaro, foi comminity manager, monitora de obradoiros do máis diverso, e actualmente compatibiliza o seu traballo como porfe cun negocio de turismo rural na Ribeira Sacra.

De todo esto sacamos unha ensinanza que Susanne resumiu en dúas frases: "Máis vale tarde que nunca" e "Aprendizaxe de por vida".

ROSALÍA 360º

Coñecemos dabondo a figura de Rosalía, así que este ano centrámonos na súa repercursión a todos os niveis e organizamos unha pequena exposición na que conxugamos diferentes elementos nos que nos atopamos con ela: rúas, centro educativos, axendas, camisetas,...; pero tamén, caricaturas, cómics, cine,... 

Aprendemos que se algo caracteriza a esta muller é a transversalidade, por eso a definimos coma Rosalía 360º.

Aproveitamos tamén para difundir tamén algúns dos seus poemas polos corredores do instituto, nas portas das clases.

XINZO-BURELA 2025

O Departamento de Lingua e literatura Galega está a organizar unha convivencia-intercambio co instituto de Burela. Como nós tamén somos de Entroido, estamos preparando, en coordinación cos Polos Creativos, un pequeno agasallo que servirá de recordo:

O GREGO E A CIENCIA

Co gallo da muller e a nena na ciencia, o alumnado de Grego preparou esta exposición na que dan boa conta de que as linguas clásicas, neste caso o grego, e as ciencias camiñan inevitablemente da man.

MULLERES DE CIENCIAS

 A BiblioAntioquía e os Polos Creativos colaboraron este ano na conmemoración do Día da Muller e a Nena na Ciencia que organizou Celsa, do Departamento de Matemáticas. Previa convocatoria dun concurso para deseñar unha imaxe conmemorativa, procedeuse a inmortalizar a obra nunha chapa que se agasallou ao alumnado que participiou no concurso. 

Custounos collerlle o truquiño á máquina, pero todo apunta a que esto vai ser só o principio. Esto das chapas gusta... e moito!

ENTROIDO EN GALICIA

 O alumnado do IES Cidade de Antioquía celebra o Entroido fóra e dentro das aulas; así os/as estudantes de Oratoria, partindo de Xinzo de Limia, realizaron unha particular viaxe por algúns dos entroidos da provincia de Ourense con pequenas incursións en diferentes lugares das provincias de Lugo, A Coruña e Pontevedra, onde tamén saben festexar ben o Entroido.

Neste colorido percorrido coñeceron e dan a coñecer e recoñecer as máscaras destas aldeas, vilas e cidades galegas!

Pon a carauta e vén entroidar con eles/as!

Non están todos os que son, pero SON todos os que ESTÁN!

Viva a Pantalla!

Viva o Entroido!

SEGUINDO AS PISTAS

 O alumnado de 3º ESO C preparou este xogo de psitas sobre inventos de mulleres científicas. Sigue as pistas, e relaciona os inventos coas súas creadoras.

Tes toda esta semana para probar sorte.

LECTURAS POLA PAZ

A BiblioAntioquía ten á túa disposición toda unha serie de lecturas que servirán para reflexionar sobre a importancia de convivir nun ambiente de paz. Velaquí as opcións:

Queremos destacar unha proposta especial na liña dalgún dos murais que decoran os corredores estes días.

PUNTOS DE VISTA SOBRE A PAZ

Coma sempre e con datas tan significativas coma esta, Susana, a profe de Xeografía e Historia, saca aos corredores os murais que realizan os seus alumnos. Este ano colaborou na súa montaxe o alumnado de Oratoria de 4º ESO, que nestas últimas datas están aprendendo como funciona unha biblioteca.

Homenaxe ás mulleres que obtiveron o Premio Nobel da Paz:

Alfabeto pacifista:

GRANDES FRASES QUE APOSTAN POLA PAZ

 

Grazas ás rapazas de 2º ESO C e ao alumnado de 4º ESO, pola súa colaboración na selección de aforismos sobre a paz e na montaxe do mural.

XOIAS ILUSTRADAS

Invitámoste a que pases pola nosa biblio e a que disfrutes destas xoias ilustradas. Hoxe, ademais do día escolar da paz, convivencia e non violencia, tamén é o día da ilustración, así que... a que espaeras?

E non esquezas que aquí hai libros para todos os gustos e todos os niveis.

AO PÉ DA LETRA VOLVE RECOMENDAR...

 Lecturas pola paz, pola convivencia, pola non violencia.